କେନ୍ଦୁଝରରେ ୭୦ତମ ସର୍ବଭାରତୀୟ ସମବାୟ ସପ୍ତାହ ମହୋତ୍ସବ

କେନ୍ଦୁଝର: ପାଳିତ ହୋଇଛି ୭୦ତମ ସର୍ବଭାରତୀୟ ସମବାୟ ସପ୍ତାହ ମହୋତ୍ସବ । ରାଜ୍ୟର ବିକାଶ କ୍ଷେତ୍ରରେ ସମବାୟ ବ୍ୟାଙ୍କ ସମୂହ ଗୁଡିକର ବିକାଶମୂଳକ କାର୍ଯ୍ୟକ୍ରମ ମାଧ୍ୟମରେ ରାଜ୍ୟର କୃଷକ ଓ ଦୁର୍ବଳ ଆର୍ଥିକ ଶ୍ରେଣୀର ଲୋକଙ୍କ ସାମାଜିକ ଓ ଆର୍ଥିକ ବିକାଶ ହୋଇ ପାରିଛି । ଏହି ଲକ୍ଷ୍ୟରେ ଲୋକଙ୍କ ନିକଟରେ ଲାଭ ପହଞ୍ଚାଇବା ପାଇଁ ସମବାୟ ସମିତି ମାଧ୍ୟମରେ ଉନ୍ନତ୍ତିମୂଳକ କାର୍ଯ୍ୟ ହେଉଛି । ଲୋକଙ୍କର ଆର୍ଥିକ ମାନଦଣ୍ଡ ଉନ୍ନତ କରିବା ପାଇଁ ଏହି ଦିବସ ସ୍ଥାନୀୟ କେନ୍ଦୁଝର ଅଡିଟୋରିୟମରେ ପାଳିତ ହୋଇଛି ।

ଏହି ଜିଲାସ୍ତରୀୟ ମହୋତ୍ସବରେ ଘଷିପୁରା ବିଧାୟକ ବଦ୍ରୀ ନାରାୟଣ ପାତ୍ର, କେନ୍ଦୁଝର କେନ୍ଦ୍ର ସମବାୟ ବ୍ୟାଙ୍କର ସଭାପତି କାନନ ବିହାରୀ ପହି, କେନ୍ଦୁଝର କେନ୍ଦ୍ର ସମବାୟ ବ୍ୟାଙ୍କ ଉପସଭାପତି ରଶ୍ମିରେଖା ଚକ୍ର,ପୂର୍ବତନ ସାଂସଦ ତଥା ଜିଲା ବିଜେଡି ସଭାପତି ମାଧବ ସର୍ଦ୍ଦାରଙ୍କ ସମେତ ଜିଲ୍ଲା କୃଷି ଅଧିକାରୀ ମିହିର କୁମାର ସାହୁ ପ୍ରମୁଖ ନେତୃବୃନ୍ଦ ଉପସ୍ଥିତ ଥିଲେ । ଜିଲ୍ଲା ସମବାୟ ସଂସ୍ଥା ସହିତ ବିଭିନ୍ନ କାର୍ଯ୍ୟକ୍ରମ ମାଧ୍ୟମରେ ଯୋଡି ହୋଇଥିବା ହିତାଧିକାରୀ ଓ କୃଷକମାନେ ଉପସ୍ଥିତ ରହି ପୁରସ୍କୃତ ହୋଇଥିଲେ ।

ଇଟିଭି ଭାରତ, କେନ୍ଦୁଝର