Municipal Election: ବୌଦ୍ଧ ମର୍ଜାକୁଦରେ ପ୍ରଚାର କଲେ ଖଣିମନ୍ତ୍ରୀ

ବୌଦ୍ଧ: ପୌର ନିର୍ବାଚନ ନେଇ ଦଳୀୟ ପ୍ରାର୍ଥୀଙ୍କ ପାଇଁ ପ୍ରଚାର କଲେ ପୂର୍ତ୍ତ ଓ ଖଣି ମନ୍ତ୍ରୀ ପ୍ରଫୁଲ୍ଲ ମଲ୍ଲିକ । ଆଜି ମହାନଦୀ ଗର୍ଭରେ ଥିବା ଦ୍ବୀପ ଗ୍ରାମ ମର୍ଜାକୁଦରେ ସ୍ଥାନୀୟ ବିଧାୟକ ଓ ମନ୍ତ୍ରୀ ମାରାଥନ ପ୍ରଚାର କରିଛନ୍ତି । ଜିଲ୍ଲାର ଏକମାତ୍ର ପୌରାଞ୍ଚଳ ବୌଦ୍ଧଗଡ NAC ରେ ବିଜେଡି, ବିଜେପି ଓ କଂଗ୍ରେସ ସହିତ ଅନ୍ୟାନ୍ୟ ପ୍ରାର୍ଥୀ ପ୍ରଚାର ଚଳାଇଛନ୍ତି । ସେପଟେ ଆଜି ଦଳୀୟ ପ୍ରାର୍ଥୀଙ୍କ ପାଇଁ ଭୋଟ ପ୍ରଚାର କରିବାକୁ ବୌଦ୍ଧରେ ପହଞ୍ଚିଥିଲେ ପୂର୍ତ୍ତ ଓ ଖଣି ମନ୍ତ୍ରୀ ପ୍ରଫୁଲ୍ଲ କୁମାର ମଲ୍ଲିକ । ମନ୍ତ୍ରୀ ମର୍ଜାକୁଦର 13 ଓ 14 ନମ୍ବର ଓ୍ବାର୍ଡରେ ଦଲୀୟ ପ୍ରାର୍ଥୀଙ୍କ ପାଇଁ ଭୋଟ ମାଗିଥିଲେ । ଏହି ଅବସରରେ ମନ୍ତ୍ରୀ କହିଛନ୍ତି ମର୍ଜାକୁଦ ଦ୍ବୀପାଞ୍ଚଳରେ ଏକ ଏୟାର ଷ୍ଟ୍ରିପ ନିର୍ମାଣ ପାଇଁ ପ୍ରସ୍ତାବ ରହିଥିବା ସୂଚନା ଦେଇଛନ୍ତି । ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ