ଆସନ୍ତାକାଲିଠୁ ସର୍ବସାଧାରଣଙ୍କ ପାଇଁ ଖୋଲିବ ମୋଗଲ ଗାର୍ଡେନ

ନୂଆଦିଲ୍ଲୀ: ଫେବୃଆରୀ 12ରୁ ସର୍ବସାଧାରଣଙ୍କ ପାଇଁ ଖୋଲିବ ମୋଗଲ ଗାର୍ଡେନ । ଆସନ୍ତା ଫେବୃଆରୀ 12ରୁ ମାର୍ଚ୍ଚ 16(ସୋମବାର ବ୍ୟତୀତ) ପର୍ଯ୍ୟନ୍ତ ସର୍ବସାଧାରଣଙ୍କ ପାଇଁ ଖୋଲା ରହିବା ନେଇ ଗତ ମଙ୍ଗଳବାର ରାଷ୍ଟ୍ରପତି ଭବନ ପକ୍ଷରୁ ସୂଚନା ଜାରି କରାଯାଇଛି । ଗତବର୍ଷ କୋରୋନା ମହାମାରୀ ଯୋଗୁଁ ମୋଗଲ ଗାର୍ଡେନକୁ ଅଧାରୁ ବନ୍ଦ କରାଯାଇଥିଲା । ରାଷ୍ଟ୍ରପତି ଭବନ ଅଧୀନରେ ଥିବା 15 ଏକର ପରିମିତ ଅଞ୍ଚଳରେ ପ୍ରତିଷ୍ଠିତ ଏହି ମୋଗଲ ଗାର୍ଡେନର ସୌନ୍ଦର୍ଯ୍ୟକୁ ଅନୁଭବ କରିବା ପାଇଁ ପ୍ରତିବର୍ଷ ପର୍ଯ୍ୟଟକଙ୍କ ଭିଡ଼ ଜମିଥାଏ । ତେବେ ଚଳିତ ଥର କୋଭିଡ କଟକଣାକୁ ଦୃଷ୍ଟିରେ ରଖି ଅନଲାଇନରେ ଟିକେଟ ବୁକିଂ କରାଯିବ ।