ଆମେ ହାରିଛୁ କିନ୍ତୁ ଭାଙ୍ଗିନାହୁଁ: ଅପରାଜିତା

ଖୋର୍ଦ୍ଧା: ପଂଚାୟତ ନିର୍ବାଚନ ପରେ ଜୋର ଧରିଛି ପୌର ନିର୍ବାଚନ ତାତି । ପୌରାଧ୍ୟକ୍ଷ ଓ କାଉନସିଲର ପଦବୀ ପାଇଁ କସରତ ଆରମ୍ଭ କରିଦେଲେଣି ପ୍ରାର୍ଥୀମାନେ । ସେହିଭଳି ଆଜି ଖୋର୍ଦ୍ଧାରେ ବିଜେପି ପୌରାଧ୍ୟକ୍ଷ ଓ କାଉନସିଲର ପ୍ରାର୍ଥୀଙ୍କ ପାଇଁ ପ୍ରଚାର ଆରମ୍ଭ କରିଛନ୍ତି ଭୁବନେଶ୍ୱର ସାଂସଦ ଅପରାଜିତା ଷଡଙ୍ଗୀ । ଦଳୀୟ ପ୍ରାର୍ଥୀଙ୍କ ପାଇଁ ବୁଲି ବୁଲି ଭୋଟ ଭିକ୍ଷା କରିଛନ୍ତି ଅପରାଜିତା । ସେହିଭଳି ଗତ ପଞ୍ଚାୟତ ନିର୍ବାଚନରେ ଦଳର ଶୋଚନୀୟ ପରାଜୟ ସମ୍ପର୍କରେ କହିଛନ୍ତି ଆମେ ହାରିଛୁ କିନ୍ତୁ ଭାଙ୍ଗି ନାହୁଁ । ଏଥର ପୌର ନିର୍ବାଚନରେ ମନୋବଳ ଆଗରେ ହାର ମାନିବ ଅର୍ଥବଳ । ପଂଚାୟତ ନିର୍ବାଚନର ପ୍ରଭାବ ପୌର ନିର୍ବାଚନରେ ପଡିବନାହିଁ ବୋଲି କହିଛନ୍ତି ସେ । ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ