କଳାଧନ୍ଦାର ହବ୍ ପାଲଟିଛି କି କଟକ ? ପ୍ରଥମେ ଖାଦ୍ୟ ସାମଗ୍ରୀ, ଏବେ ନକଲି ସିମେଣ୍ଟ

କଟକ: ସହରରେ ଦିନକୁ ଦିନ ବୃଦ୍ଧି ପାଉଛି ନକଲି ସାମଗ୍ରୀ କାରବାର । ଗୋଟିଏ ପଟେ କମିଶନରେଟ ପୋଲିସର ଅତର୍କିତ ଚଢ଼ାଉ ଜାରି ରହିଥିଲେ ସୁଦ୍ଧା ନକଲି କାରଖନା କମିବାରେ ନାଁ ଧରୁନି । ବଜାରରେ ଏହି ନକଲି ମାଲକୁ ବ୍ୟବସାୟ କରି ମାଲାମାଲ ହେଉଛି ପରଦା ପଛରେ ରହୁଥିବା ମାଲିକ । ତେବେ ପୋଲିସର ଚଢ଼ାଉ ଡ୍ରାଇଭରେ ଆଜି ଆସିଛି ଏକ ନୂଆ ଦୃଶ୍ୟ । ଜଗତପୁରରେ ଥିବା ଏକ ନକଲି ସିମେଣ୍ଟ ଗୋଦାମରେ ଚଢ଼ାଉ କରିଛି ପୋଲିସ । ଯେଉଁଠାରୁ 2 ହଜାରରୁ ଊର୍ଦ୍ଧ୍ବ ନକଲି ସିମେଣ୍ଟ ଜବତ ମଧ୍ୟ ହୋଇଛି । ତେବେ ଏହି ନକଲି ଗୋଦାମ ଓ କାରଖନା ଉପରେ କେବେ ଲାଗିବ ସମ୍ପୂର୍ଣ୍ଣ ରୋକ ତାକୁ ନେଇ ଏବେ ବଡ଼ ପ୍ରଶ୍ନ ।