ଗୋ ଦାନା ନାଁରେ ଗଞ୍ଜେଇ ଚାଲାଣ, ୪ ଅଭିଯୁକ୍ତ ଗିରଫ

ଭୁବନେଶ୍ବର: ଗଞ୍ଜେଇ ବେପାରୀଙ୍କ ମିଛ ଧରା ପକାଇଲା ସତ ଘଟଣା । ଗୋ ଦାନା ବସ୍ତାରେ ଗଞ୍ଜେଇ ଚାଲାଣବେଳେ ଖଣ୍ଡଗିରି ଛକରୁ ଧରାପଡିଛନ୍ତି 4 ଅଭିଯୁକ୍ତ । ସେମାନଙ୍କ ନିକଟରୁ ୮୦ କେଜି ଗଞ୍ଜେଇ ସହ ୪ଟି ମୋବାଇଲ ଫୋନ ଓ ଗୋଟିଏ ଇଣ୍ଡିକା କାର OD33D4832କୁ ଜବତ କରିଛି ପୋଲିସ । ସୂଚନାନୁସାରେ, କନ୍ଧମାଳରୁ ଗଞ୍ଜେଇ ଆସୁଥିବା ନେଇ ଖବର ପାଇଥିଲା କମିଶନରେଟ ପୋଲିସ । ଏନେଇ ରାଜଧାନୀ ଖଣ୍ଡଗିରି ଥାନା ଅଞ୍ଚଳରେ ଗାଡି ଗୁଡିକୁ ଚେକିଂ କରାଯାଉଥିଲା । ଏହି ସମୟରେ ଏକ ଇଣ୍ଡିଗୋ ଗାଡ଼ିକୁ ଅଟକାଇଥିଲା ପୋଲିସ । ଘଟଣାରେ ୪ ଜଣଙ୍କ ଉପରେ ସନ୍ଦେହ ହେବାରୁ ସେମାନଙ୍କ ଗାଡ଼ି ଚେକିଂ କରିଥିଲେ । ସମସ୍ତ ଅଭିଯୁକ୍ତ ଗାଡ଼ିରେ ଗୋ ଦାନା ଥିବା କହିଥିଲେ ।