ଆନନ୍ଦ ଉତ୍ସାହରେ ହୋଲି ପାଳିଲେ ବୌଦ୍ଧବାସୀ

ବୌଦ୍ଧ: କୋଭିଡ କଟକଣା ଯୋଗୁ ଦୀର୍ଘ ଦୁଇ ବର୍ଷ ପରେ ରାଜ୍ୟରେ ସ୍ବାଭାବିକ ହୋଲି ଖେଳ। ବୌଦ୍ଧ ଜିଲ୍ଲାର ବିଭିନ୍ନ ସ୍ଥାନରେ ଆନନ୍ଦ ଉଲ୍ଲାସର ସହିତ ହୋଲି ଉତ୍ସବ ପାଳନ ହୋଇଛି । ଜିଲ୍ଲାର କଣ୍ଟାମାଳ, ହରଭଙ୍ଗା ଓ ବୌଦ୍ଧ ବ୍ଲକର ବିଭିନ୍ନ ସ୍ଥାନରେ ରଙ୍ଗର ପର୍ବ ହୋଲି ଉତ୍ସବ ପାଳିତ ହୋଇଛି । ବର୍ତ୍ତମାନ ସମୟରେ ଜିଲ୍ଲାର ଏକମାତ୍ର ପୌରାଞ୍ଚଳରେ ନିର୍ବାଚନ ମାହୋଲ ସରଗରମ ଥିବା ବେଳେ ଆଜି ହୋଲି ଉତ୍ସବ ପାଇଁ ପ୍ରାର୍ଥୀଙ୍କ ପ୍ରଚାର ଅଭିଯାନ ବନ୍ଦ ରହିଥିଲା । ହୋଲି ପାଇଁ ସବୁ ସ୍ଥାନରେ ଫଗୁ ଅବିର ବୋଳାବୋଳି ହେଉଥିବା ଦେଖିବାକୁ ମିଳିଥିଲା । ସେପଟେ ବୌଦ୍ଧ ଜିଲ୍ଲାପାଳ ଓ ଏସପି ନିଜ ବାସଭବନରେ କର୍ମଚାରୀଙ୍କ ଗହଣରେ ମିଷ୍ଟାନ୍ନ ବଣ୍ଟନ କରି ଫଗୁ ବୋଳି ହୋଲି ଖେଳିଥିଲେ। ସେହିପରି ବୌଦ୍ଧ ମୁଖ୍ୟ ଡାକ୍ତରଖାନାରେ ରୋଗୀଙ୍କ ସମ୍ପର୍କୀୟ ଓ ସ୍ବାସ୍ଥ୍ୟ କର୍ମଚାରୀଙ୍କ ସହିତ ଡାକ୍ତର ମାନେ ହୋଲି ଉତ୍ସବ ପାଳନ କରିଥିଲେ। ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ