ପୌର ଫାଇଟ: ଖଣ୍ଡପଡାରେ ବିଜେପିର ପ୍ରଚାର ଜୋରଦାର

ନୟାଗଡ଼: ଖଣ୍ଡପଡ଼ାରେ ବିଜେପିର ଜୋରଦାର ପ୍ରଚାର ଜାରି ରହିଛନ୍ତି । ପ୍ରଚାର ମଙ୍ଗ ଧରିଛନ୍ତି ଖୋଦ୍‌ ପୂର୍ବତନ ବିଧାୟକ ସିଦ୍ଧାର୍ଥ ଶେଖର ସିଂହ । ପୌର ନିର୍ବାଚନ ପାଇଁ ବିଜେଡି, ବିଜେପି, କଂଗ୍ରେସ ଓ ସ୍ଵାଧୀନ ପ୍ରାର୍ଥୀମାନେ ସମ୍ପୂର୍ଣ୍ଣ ଭାବେ ନିଜକୁ ପ୍ରସ୍ତୁତ କରିଛନ୍ତି l ପୌର ନିର୍ବାଚନ ପ୍ରଚାର ପାଇଁ ହାତରେ ଆଉ ଗୋଟିଏ ଦିନ ସମୟ ରହିଲା । ଏଥିପାଇଁ ଘରକୁ ଘର ବୁଲି ଭୋଟ ଭିକ୍ଷା କରୁଛନ୍ତି ପ୍ରାର୍ଥୀ । ଖଣ୍ଡପଡାରେ ୧୩ଟି ୱାର୍ଡ ମଧ୍ୟରୁ ଗୋଟିଏ ବିଜେଡି ପ୍ରାର୍ଥୀ ନିର୍ଦ୍ବନ୍ଦରେ ନିର୍ବାଚିତ ହୋଇ ସାରିଥିବା ବେଳେ ଅନ୍ୟ ୧୨ଟି ୱାର୍ଡରେ ନିର୍ବାଚନ ହେବାକୁ ଯାଉଛି । ଏଥିପାଇଁ ଖଣ୍ଡପଡାରେ ଅଞ୍ଚଳରେ ରାଜନୈତିକ ଉଷ୍ମତା ବଢ଼ି ଚାଲିଛି । ୧୧ଟି ୱାର୍ଡରେ ସ୍ୱାଧୀନ ପ୍ରାର୍ଥୀ ଥିବା ବେଳେ କଂଗ୍ରେସ ମାତ୍ର ୨ଟି ୱାର୍ଡରେ ପ୍ରାର୍ଥୀ ଦେଇଛି l ଉଭୟ ବିଜେଡି ଓ ବିଜେପି ସମସ୍ତ ୱାର୍ଡରେ ପ୍ରାର୍ଥୀ ଦେଇଛନ୍ତି l ଅଧ୍ୟକ୍ଷା ଆସନ ପାଇଁ ୬ଜଣ ପ୍ରାର୍ଥୀ ନିର୍ବାଚନ ମୈଦାନରେ ରହିଛନ୍ତି । ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ