ସୁଧୁରୁଛି ଜଗାର ସ୍ବାସ୍ଥ୍ୟବସ୍ଥା, ସାଇନ୍ସ ପାର୍କରେ ଖେଳୁଥିବା ଭିଡିଓ ଭାଇରାଲ

ଫୁଲବାଣୀ: ଯୋଡାମୁଣ୍ଡ ଶିଶୁ ଜଗା ସ୍ୱାସ୍ଥ୍ୟବସ୍ଥା ଧୀରେ ଧୀରେ ସ୍ଵାଭାବିକ ହେଉଛି । ଅନ୍ୟ ପିଲାଙ୍କ ପରି ଖେଳା ବୁଲା କରୁଛି ଜଗା । ଗତ କିଛି ଦିନ ତଳେ ଜଗା ଫୁଲବାଣୀ ବଜାରରେ ବୁଲୁଥିବା ଭିଡିଓ ବେଶ ଭାଇରାଲ ହୋଇଥିଲା । ଆଜି ପୁଣି ସ୍ଥାନୀୟ ସାଇନ୍ସ ପାର୍କରେ ଆସି ଜଗା ଖେଳୁଥିବା ଦେଖିବାକୁ ମିଳିଛି । ଜିଲ୍ଲା ଶିଶୁ ବିଭାଗର ଏକ ସ୍ଵତନ୍ତ୍ର କକ୍ଷରେ ରହି ଚିକିତ୍ସିତ ହେଉଛି ଜଗା । ଜଗା ସହ ତା ବାପା ଭୁଇଁଆ କହଁର ମଧ୍ୟ ତା ସାଙ୍ଗରେ ଥିଲେ । ସେଠାରେ ଦୋଳି ଓ ଖସଡାରେ ଖେଳିବା ସହ ବେଶ କିଛି ସମୟ ବିତାଇଥିଲା ଜଗା । ଜଗାକୁ ଦେଖିବା ପାଇଁ ପାର୍କରେ ଉପସ୍ଥିତ ଲୋକଙ୍କ ଗହଳି ହୋଇଥିଲା । ଅନେକ ଦିନ ଧରି ଦିଲ୍ଲୀ ଏମ୍ସରେ ଚିକିତ୍ସିତ ପରେ 2020 ଫୁଲବାଣୀରେ ଏକ ସ୍ଵତନ୍ତ୍ର ଡାକ୍ତରୀଦଳଙ୍କ ତତ୍ତ୍ବାବଧାନରେ ସେ ଚିକିତ୍ସିତ ହେଉଛି । ଗତ ଶୁକ୍ରବାର କନ୍ଧମାଳ ସାଂସଦ ଜଗାକୁ ଭେଟି ତାର ସ୍ୱାସ୍ଥ୍ୟବସ୍ଥା ପଚାରି ବୁଝିଥିଲେ ।  କନ୍ଧମାଳରୁ ସଞ୍ଜୟ ପାତ୍ର, ଇଟିଭି ଭାରତ