Panchayat Takkar: ଶଶୀଭୂଷଣଙ୍କ ଦୃଢୋକ୍ତି, ସବୁ ଆସନ ପୋଛି ନେବ ବିଜେଡି

କେନ୍ଦ୍ରାପଡ଼ା: ଜିଲ୍ଲାରେ ସରଗରମ ପଞ୍ଚାୟତ ନିର୍ବାଚନ। ଜିଲ୍ଲାରେ ନାମାଙ୍କନ ପତ୍ର ଯାଞ୍ଚ ପ୍ରକ୍ରିୟା ଶେଷ ହେବା ପରେ ମଇଦାନକୁ ଓହ୍ଲାଇଛନ୍ତି ପ୍ରାର୍ଥୀ । କୋଭିଡ କଟକଣା ମଧ୍ୟରେ ଘରକୁ ଘର ବୁଲି ପ୍ରାର୍ଥୀମାନେ ପ୍ରଚାର କରି ଦେଇଛନ୍ତି । ଗତ ୨୦୧୭ ମସିହାରେ ଜିଲ୍ଲାରେ ବିଜେଡି ୨୨ଟି ଜିଲ୍ଲା ପରିଷଦ ଆସନରେ ବିଜୟୀ ହୋଇଥିବା ଅଧ୍ୟକ୍ଷ ପଦବୀ ହାତେଇବାରେ ସକ୍ଷମ ହୋଇଥିଲା । ଅନ୍ୟପଟେ ଚଳିତଥର ମୁଖ୍ୟମନ୍ତ୍ରୀଙ୍କ ଲୋକ ହିତକର କାର୍ଯ୍ୟ ଦଳକୁ ସମସ୍ତ ୩୨ଟି ଆସନରେ ବିଜୟୀ କରାଇବାରେ ମୁଖ୍ୟ ଭୂମିକା ଗ୍ରହଣ କରିବ ବୋଲି କହିଛନ୍ତି କେନ୍ଦ୍ରାପଡ଼ା ବିଧାୟକ ଶଶୀଭୂଷଣ ବେହେରା । ପଞ୍ଚାୟତ ନିର୍ବାଚନ ପରିପ୍ରେକ୍ଷୀରେ ଇଟିଭି ଭାରତର ସ୍ୱତନ୍ତ୍ର କାର୍ଯ୍ୟକ୍ରମ ପଞ୍ଚାୟତ ଟକ୍କରରେ କେନ୍ଦ୍ରାପଡ଼ା ବିଧାୟକ ଶଶୀଭୂଷଣ ବେହେରାଙ୍କ ସହ ଅଧିକ ଆଲୋଚନା କରିଛନ୍ତି ଆମ କେନ୍ଦ୍ରାପଡା ପ୍ରତିନିଧି ।