ମମତା ଆଗରେ ଫିକା ପଡିଲା ଆପଣା ପର, ଛେଳିଛୁଆକୁ କ୍ଷୀର ଦେଲା କୁକୁର

ଫୁଲବାଣୀ: ସ୍ନେହ ମମତାରେ କୌଣସି ବାଛ ବିଚାର ନଥାଏ । ଯେଉଁଠି ସ୍ନେହ ଟିକେ ମିଳିଯାଏ ସେଇଠି ଯୋଡି ହୋଇଯାଏ ସମ୍ପର୍କ । ଛେଳି ଛୁଆକୁ କ୍ଷୀର ଦେଉଛି କୁକୁର । ଏମିତି ଦୃଶ୍ୟ ଦେଖିବାକୁ ମିଳିଛି କନ୍ଧମାଳ ଜ଼ିଲ୍ଲା ତୁମୁଡିବନ୍ଧ ବ୍ଲକ ମୁଣ୍ଡିଗଡ଼ ଗାଁରେ । ଦୁଇ ଛେଳି ଛୁଆ ଏକ କୁକୁରଠାରୁ କ୍ଷୀର ପିଉଥିବା ଦୃଶ୍ୟ ଅନେକଙ୍କୁ ଆଶ୍ଚର୍ଯ୍ୟ କରିଛି । ନିଜ ପିଲାକୁ କ୍ଷୀର ଦେବା ଭଳି ଚୁପଚାପ ଠିଆ ହୋଇଛି କୁକୁର । ସତେ ଯେମିତି ଛେଳି ଛୁଆଙ୍କ ଭିତରେ ନିଜ ଛୁଆଙ୍କୁ ଖୋଜି ପାଇଛି ସେ । ଆଉ କୁକୁର ଭିତରେ ମାଆକୁ ପାଇଛନ୍ତି ସେମାନେ । କନ୍ଧମାଳରୁ ସଞ୍ଜୟ ପାତ୍ର, ଇଟିଭି ଭାରତ