Panchayat Election: ଚଷାଖଣ୍ଡ ପଞ୍ଚାୟତରେ 5 ସରପଞ୍ଚ ପ୍ରାର୍ଥୀ, ବାଜି ମାରି ନେବେକି ବିରୋଧୀ

ବାଲେଶ୍ବର: ପାଖଉଛି ପଞ୍ଚାୟତ ପରୀକ୍ଷା । ଉଠିଲାଣି ପଡିଲାଣି ଗାଁ ଦାଣ୍ଡ । ନିର୍ବାଚନ ଯେତେ ପାଖଉଛି ପ୍ରଚାର ଜୋରସୋର ଚାଲିଛି । ଏ ନେଇ ଭୋଟରଙ୍କୁ ମିଳିଲାଣି ପୁଳାପୁଳା ପ୍ରତିଶ୍ରୁତି । ଗାଁ ଗଣ୍ଡାରେ ଏବେ ପ୍ରାର୍ଥୀଙ୍କ ଭିଡ଼ ଲାଗିଥିବା ବେଳେ ଭୋଟରମାନଙ୍କୁ ପ୍ରତିଶ୍ରୁତି ଦେଇ ନିଜ ସପକ୍ଷରେ ମତଦାନ ପାଇଁ ଚାଲିଛି ପ୍ରୟାସ। ସେହିପରି ବାଲେଶ୍ଵର ଜିଲ୍ଲା ସଦର ବ୍ଲକ ଚଷାଖଣ୍ଡ ପଞ୍ଚାୟତରେ ମଧ୍ୟ ପ୍ରାର୍ଥୀମାନଙ୍କ ପ୍ରଚାର ଜୋରଦାର ଚାଲିଛି। ଚଳିତ ନିର୍ବାଚନରେ ସରପଞ୍ଚ ପ୍ରାର୍ଥୀ ଭାବେ 5 ଜଣ ନାମାଙ୍କନ ଦାଖଲ କରି ସେମାନଙ୍କ ପ୍ରଚାର ଆରମ୍ଭ କରିଛନ୍ତି। ଗୋଟିଏ ନିର୍ଦ୍ଦିଷ୍ଟ ଦଳରୁ 3 ଜଣ ପ୍ରାର୍ଥୀ ଥିବା କୁହାଯାଉଥିବା ବେଳେ ଜଣେ ସ୍ବାଧୀନ ଓ ଅନ୍ୟଜଣେ ଆଉ ଏକ ଦଳରେ ସରପଞ୍ଚ ପ୍ରାର୍ଥୀ ଭାବେ ଉତ୍ତୀର୍ଣ୍ଣ ହୋଇଛନ୍ତି। ଏହାକୁ ନେଇ ଚଷାଖଣ୍ଡ ପଞ୍ଚାୟତର ବାଲିସୁଆଁ ଗାଁର ପ୍ରାର୍ଥୀଙ୍କ ପ୍ରତିକ୍ରିୟା ନେଇଛନ୍ତି ଆମ ପ୍ରତିନିଧି ଜୀବନ ଜ୍ୟୋତି ନାୟକ ।