ମନ୍ଦିର ସୀମା ବିବାଦ, ଭକ୍ତଙ୍କୁ ଦର୍ଶନ ମନା

ବରଗଡ: ଆଗକୁ ରଥଯାତ୍ରା । ହେଲେ ନିର୍ଜନ ଲାଗୁଛି ମନ୍ଦିର । ଭଗବାନ ଅଛନ୍ତି, ହେଲେ ଦର୍ଶନ ପାଇଁ ଭକ୍ତ, ଶ୍ରଦ୍ଧାଳୁଙ୍କ ଉପର ଲାଗିଛି ପ୍ରତିବନ୍ଧକ । ଭୟରେ ଭକ୍ତ । ଜଗନ୍ନାଥଙ୍କ ମନ୍ଦିରରେ ଲାଗିଛି 144ଧାରା । ମନ୍ଦିର ଚାରିପାଖେ ମାଳମାଳ ପୋଲିସ ଲାଠି ଧରି ପଇଁତରା ମାରୁଛନ୍ତି । ମୁଖ୍ୟ ଦ୍ଵାରରେ ମନ୍ଦିର ବିବାଦ ସମାଧାନ ହେବା ଯାଏ କେହି ମନ୍ଦିରକୁ ଆସିପାରିବେ ନାହିଁ ବୋଲି ନୋଟିସ୍‌ ଝୁଲାଇଛି ଜିଲ୍ଲା ପ୍ରଶାସନ । ମନ୍ଦିରର ମାଲିକାନାକୁ ନେଇ ଚାଲିଛି ଗ୍ରାମ ଗ୍ରାମ ମଧ୍ୟରେ ଟଣାଓଟରା ଓ ଗୋଳମାଳ । ଏହି କଳହର ବୁଢିଆଣୀ ଜାଲରେ ଛନ୍ଦି ହୋଇ ଭକ୍ତଙ୍କ ବିନା ଦିନ କାଟୁଛନ୍ତି କାଳିଆ ସାଆନ୍ତେ ।