ରିଲିଜ ହେବ ଓଡଆ ହରର ମୁଭି ଜହ୍ନରାତିର ସାଥି, ଶୁଣନ୍ତୁ କଣ କହୁଛନ୍ତି ସିଦ୍ଧାନ୍ତ ମହାପାତ୍ର

ଭୁବନେଶ୍ବର: ଆସନ୍ତାକାଲି ପରଦା ଉପରକୁ ଆସିବ ଓଡଆ ହରର ମୁଭି ଜହ୍ନରାତିର ସାଥି । ଅନେକ ଦିନ ପରେ ଓଡିଆ ସିନେପ୍ରେମୀ ଦେଖିବେ ଓଡ଼ିଆ ଭୂତ ସିନେମା । ଆକୃତି ସ୍କ୍ରିନ୍ସ ବ୍ୟାନରର ଏହି ଚଳଚ୍ଚିତ୍ର ନିର୍ମିତ ହୋଇଛି । ବିଂଶ ଶତାବ୍ଦୀରେ ମଧ୍ୟ ଓଡ଼ିଶାରେ ଚାଲିଥିବା ଗୁଣିଗାରେଡ଼ି, ଅନ୍ଧବିଶ୍ବାସ, କୁସଂସ୍କାରର ନିଛକ କାହାଣୀକୁ ନେଇ ଫିଲ୍ମଟି ତିଆରି ହୋଇଛି। ସମାଜରେ ଅନ୍ଧବିଶ୍ବାସ କିଭଳି ଅନେକ କ୍ଷତି କରୁଛି, ନିରୀହ ଲୋକଙ୍କ ଜୀବନ ମଧ୍ୟ ନେଉଛି ତାର ଝଲକ ଦେଖିବାକୁ ପାଇବେ ଦର୍ଶକ । ଏହି ମୌଳିକ କାହାଣୀର ମୁଖ୍ୟ ଚରିତ୍ରରେ ରହିଛନ୍ତି ଅଭିନେତା ସମ୍ବିତ, ଅଭିନେତ୍ରୀ ଶୀତଲ ପାତ୍ର ଓ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ ସିଦ୍ଧାନ୍ତ ମହାପାତ୍ର । ରହସ୍ୟ, ରୋମାଞ୍ଚଭରା  ହରର ଥୀଲରକୁ ନେଇ କାହାଣୀ ଗତିଶୀଳ ହୋଇଥିବା ବେଳେ ଏହି ଚଳଚ୍ଚିତ୍ରଟିର ଅନେକ ସିନ୍‌ ଦଶପଲ୍ଲା ଜଙ୍ଗଲ ଓ ନାରଣଗଡ଼ ପ୍ୟାଲେସ୍‌ରେ ସୁଟିଂ କରାଯାଇଛି ।  ଏହି ଫିଲ୍ମର ପ୍ରଯୋଜନା ଭାର ସମ୍ଭାଳିଛନ୍ତି ଅଜୟ ରାଉତ ଓ ନିର୍ଦ୍ଦେଶନା ଦେଇଛନ୍ତି ଜିତେନ୍ଦ୍ର ଜେନା । ଫିଲ୍ମରେ ପାଞ୍ଚଟି ଗୀତ ରହିଥିବା ବେଳେ ଏହାକୁ ସଂଗୀତରେ ସଜାଇଛନ୍ତି ଗୁଡୁଲି ରଥ ।  

ଇଟିଭି ଭାରତ, ଭୁବନେଶ୍ବର