ତ୍ରିରଙ୍ଗା ରଙ୍ଗରେ ଝଲସିଲା ଅଠରନଳା

ପୁରୀ: ତ୍ରିରଙ୍ଗା ରଙ୍ଗରେ ଆଲୋକିତ ହେଲା ଅଠରନଳା । ଆଜାଦୀ କା ଅମୃତ ମହୋତ୍ସବ ଅବସରରେ ପୁରୀର ଐତିହ୍ୟ ସମ୍ପନ୍ନ ଅଠରନଳା ତ୍ରିରଙ୍ଗାମୟ ହୋଇଛି । ଭାରତୀୟ ପ୍ରତ୍ନତତ୍ତ୍ଵ ସର୍ବେକ୍ଷଣ ସଂସ୍ଥା ପକ୍ଷରୁ ଲାଇଟିଂ ମାଧ୍ୟମରେ ଏହାକୁ ଆଲୋକୀକରଣ କରାଯାଇଛି । ଆଲୋକୀକରଣରେ ତ୍ରିରଙ୍ଗା ପତାକା ସ୍ଥାନିତ ହୋଇଛି । ଲାଇଟିଂ ଜରିଆରେ ଅଠରନଳାରେ ଆଜାଦୀ କା ଅମୃତ ମହୋତ୍ସବ ଲେଖା ଚାଲୁଥିବାର ଦୃଶ୍ୟ ମଧ୍ୟ ଦେଖାଯାଉଛି, ଯାହା ଦେଖଣାହାରୀଙ୍କୁ ବିମୋହିତ କରୁଛି । ଏହି ଆଲୋକୀକରଣ ଏଠାରେ ସନ୍ଧ୍ୟାକାଳକୁ ଅଧିକ ମନୋରମ କରିଦେଇଛି । ଏଏସଆଇର ସ୍ଥାନୀୟ ଅଧିକାରୀମାନେ ଏହି କାର୍ଯ୍ୟକ୍ରମକୁ ସଞ୍ଚାଳନା ଓ ପରିଚାଳନା କରୁଛନ୍ତି ।