ନ୍ୟାୟିକ ବ୍ୟବସ୍ଥା ଉପରେ ଭରସା ଥିଲା, ମୁଁ ବହୁତ ଖୁସି: ପପୁ

ଭୁବନେଶ୍ବର: କାଷ୍ଟିଂ କାଉଚ ମାମଲାରେ ଓଲିଉଡ଼ର ହାସ୍ୟ ଅଭିନେତା ପପୁ ପମ୍‌ପମ୍‌ଙ୍କୁ ମିଳିଛି କ୍ଲିନ୍‌ଚିଟ୍‌ । ଭୁବନେଶ୍ବରର ବହୁଚର୍ଚ୍ଚିତ କାଷ୍ଟିଂ କାଉଚ୍ ମାମଲାରେ ଫସି ଗିରଫ ହୋଇଥିବା ପପୁ ପମ୍‌ପପମ୍‌ ପକ୍ସୋ କୋର୍ଟରେ ନିର୍ଦ୍ଦୋଷ ସାବ୍ୟସ୍ତ ହୋଇଛନ୍ତି । ଜଣେ ନାବାଳିକାଙ୍କୁ ଚଳଚ୍ଚିତ୍ରରେ ଅଭିନୟ କରିବାର ସୁଯୋଗ ଦେବା ବାହାନାରେ ପପୁ ପମୁପମ୍ ଅସଦାଚରଣ କରିବା ୨୦୧୬ ମସିହାରେ ଅଭିଯୋଗ ହୋଇଥିଲା । ତେବେ ତାଙ୍କୁ କ୍ଲିନଚିଟ୍‌ ମିଳିବା ପରେ ସେ କହିଛନ୍ତି ଯେ, " ନ୍ୟାୟିକ ବ୍ୟବସ୍ଥା ଉପରେ ମୋର ଭରସା ଥିଲା । ସତ୍ୟର ଜୟ ହୋଇଛି । ମୁଁ ଖୁସି ଅଛି ।"