ସିଦ୍ଧି ବିନାୟକଙ୍କ ଶରଣରେ ମାଧୁରୀ ଦୀକ୍ଷିତ, ସପରିବାର ସହ ବାପ୍ପାଙ୍କୁ କଲେ ଦର୍ଶନ

Madhuri Dixit Visit Siddhivinayak Temple: ମୁମ୍ବାଇ: ବଲିଉଡ ଲୋକପ୍ରିୟ ଅଭିନେତ୍ରୀ ମାଧୁରୀ ଦୀକ୍ଷିତ ସପରିବାର ସହ ମୁମ୍ବାଇ ସ୍ଥିତ ସିଦ୍ଧି ବିନାୟକ ମନ୍ଦିର ପରିଦର୍ଶନ କରିଛନ୍ତି । ସ୍ବାମୀ ଡାକ୍ତର ଶ୍ରୀରାମ ମାଧବ ନେନେ ଏବଂ ଦୁଇ ପୁଅଙ୍କ ସହିତ ଗଣପତି ବାପ୍ପାଙ୍କ ଦର୍ଶନ କରିଛନ୍ତି । ଅଭିନେତ୍ରୀ ନିଜ ଆଗାମୀ ଫିଲ୍ମ ରିଲିଜ ପୂର୍ବରୁ ବାପ୍ପାଙ୍କ ଆଶୀର୍ବାଦ ନେଇଛନ୍ତି । ଏହି ସମୟରେ ଅଭିନେତ୍ରୀ ଗଣମାଧ୍ୟମକୁ ପ୍ରତିକ୍ରିୟା ଦେଇ କହିଛନ୍ତି ଯେ, ମୁଁ ଗଣପତି ବାପ୍ପାଙ୍କ ଠାରୁ ଆଶୀର୍ବାଦ ନେବାକୁ ଏଠାକୁ ଆସିଥିଲି । ମୋର ଫିଲ୍ମ 'ପଞ୍ଚକ' ରିଲିଜ ହେବାକୁ ଯାଉଛି । ମୁଁ ଲୋକମାନଙ୍କୁ ଫିଲ୍ମ ଦେଖିବା ପାଇଁ ଅନୁରୋଧ କରୁଛି । ଏହା ମରାଠୀରେ ହୋଇଥିବା ବେଳେ କିନ୍ତୁ ସବଟାଇଟଲ ମଧ୍ୟ ରହିଛି । ଏହି ଫିଲ୍ମ କମେଡିରେ ଭରପୁର ଏବଂ ସମସ୍ତଙ୍କୁ ବେଶ ଭଲ ଲାଗିବ । ଏଣୁ ସମସ୍ତେ ନିଶ୍ଚୟ ଫିଲ୍ମ ଦେଖନ୍ତୁ ।

​ଏହା ମଧ୍ୟ ପଢନ୍ତୁ: ମାଧୁରୀ ଦୀକ୍ଷିତଙ୍କୁ ମିଳିଲା ଖାସ୍ ସମ୍ମାନ, ରେଡ କାର୍ପେଟ ଚାର୍ ଚାନ୍ଦ୍ ଲଗାଇଲେ ଏହି ତାରକା

ସୂଚନା ଥାଉକି, ମାଧୁରୀ ଦୀକ୍ଷିତଙ୍କ ଆଗାମୀ ଫିଲ୍ମ 'ପଞ୍ଚକ' ଆସନ୍ତା ୫ ତାରିଖ ଶୁକ୍ରବାର ଦିନ ରିଲିଜ ହେବ । ମାଧୁରୀ ବର୍ତ୍ତମାନ ଚଳଚ୍ଚିତ୍ର ପଞ୍ଚକର ପ୍ରମୋସନରେ ବ୍ୟସ୍ତ ଅଛନ୍ତି । ଏହି ଫିଲ୍ମରେ ମାଧୁରୀଙ୍କ ବ୍ୟତୀତ ଆଦିନାଥ କୋଥାରେ, ଦିଲୀପ ପ୍ରଭାଭାଲକର, ଭାରତୀ ଆଖ୍ରେକର ଏବଂ ଅନେକ ତାରକା ଏଥିରେ ଅଭିନୟ କରିଛନ୍ତି । 

ବ୍ୟୁରୋ ରିପୋର୍ଟ, ଇଟିଭି ଭାରତ