ନନ୍ଦାମୁରୀ ତାରକା ରାମା ରାଓଙ୍କ ୨୮ତମ ଶ୍ରାଦ୍ଧବାର୍ଷିକୀ, ଶ୍ରଦ୍ଧାଞ୍ଜଳି ଜଣାଇଲେ ଜୁନିଆର ଏନଟିଆର

Ntr Rama Rao Death Anniversary: ହାଇଦ୍ରାବାଦ: ପୂର୍ବତନ ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ତଥା ଭେଟେରାନ ସାଉଥ ତାରକା ଆଜି ନନ୍ଦାମୁରୀ ତାରକା ରାମା ରାଓଙ୍କ ୨୮ତମ ଶ୍ରାଦ୍ଧ ବାର୍ଷିକୀ । ହ୍ରାଇଦ୍ରାବାଦର ଏନଟିଆର ଗାର୍ଡେନରେ ଦିବଙ୍ଗତ ତାରକା ନନ୍ଦାମୁରୀ ତାରକା ରାମା ରାଓଙ୍କ ୨୮ତମ ଶ୍ରାଦ୍ଧ ବାର୍ଷିକୀ ପାଳନ କରାଯାଇଛି । ଏହି ସମୟରେ ନିଜ ଜେଜେବାପାଙ୍କୁ ଶ୍ରଦ୍ଧାଞ୍ଜଳି ଜଣାଇବାକୁ ଏନଟିଆର ଗାର୍ଡେନରେ ପହଞ୍ଚିଥିଲେ ଜୁନିଅର ଏନଟିଆର ଏବଂ ନନ୍ଦାମୁରୀ କଲ୍ୟାଣ ରାମ ଏକାଠି ଏନଟିଆର ଗାର୍ଡେନରେ ପହଞ୍ଚି ଜେଜେବାପାଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି । ଏହି ସମୟରେ ଫ୍ୟାନ୍ସଙ୍କ ଭିଡ ମଧ୍ୟ ଦେଖିବାକୁ ମିଳିଛି ।  

ଏଥିସହ ଏନଟିଆର ଗାର୍ଡେନରେ ସାଉଥ ଅଭିନେତା ନନ୍ଦାମୁରୀ ବାଲକ୍ରୀଷ୍ଣା ଏବଂ ଏନଟିଆରଙ୍କ ଝିଅ ତଥା ପୂର୍ବତନ ଆନ୍ଧ୍ରପ୍ରଦେଶର ମୁଖ୍ୟମନ୍ତ୍ରୀ ଏନ ଚନ୍ଦ୍ରବାବୁ ନାଇଡୁଙ୍କ ପତ୍ନୀ ଭୁବନେଶ୍ବରୀ ମଧ୍ୟ ସେଠାରେ ପହଞ୍ଚି ଏନଟିଆରଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି । ଏନଟିଆରଙ୍କୁ ସମସ୍ତେ ପୁଷ୍ପଗୁଚ୍ଛ ଦେଇ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି । ସୂଚନା ଥାଉ କି, ଏନଟିଆର ଗାର୍ଡେନରେ ଜୁନିଅର ଏନଟିଆର ଏବଂ ନନ୍ଦାମୁରୀ କଲ୍ୟାଣ ରାମ ସମେତ ପରିବାରର ଅନ୍ୟ ସଦସ୍ୟ ଏନଟିଆରଙ୍କ ଜନ୍ମ ଏବଂ ଶ୍ରାଦ୍ଧବାର୍ଷିକୀରେ ଏଠାକୁ ଆସି ଶ୍ରଦ୍ଧାଞ୍ଜଳି ଅର୍ପଣ କରିଥାନ୍ତି । 

ଏହା ମଧ୍ୟ ପଢନ୍ତୁ: ବିଜୟକାନ୍ତଙ୍କ ନିଧନ; ଶୋକବ୍ୟକ୍ତ କଲେ ବଲିଉଡରୁ ସାଉଥ ସେଲିବ୍ରିଟି