ଦ କପିଲ ଶର୍ମା ଶୋ' ରେ ନାଇଜେରିଆ ରାପର୍ ରେମା, ନାଗିନ ଡ୍ୟାନ୍ସରେ ଲଗାଇଲେ ଠୁମକା

ମୁମ୍ବାଇ: 'ଦ କପିଲ ଶର୍ମା ଶୋ'ର ଆଗାମୀ ଏପିସୋଡରେ ନାଇଜେରିଆର ରାପର୍‌ ରେମାଙ୍କୁ ଦେଖିବାକୁ ମିଳିବ । ଟିଭିର ହିଟ୍ କମେଡି ଶୋ’ର ଚଳିତ ସିଜନରେ ଆସିଥିବା ବେବି କାମ ଡାଉନ୍ ସିଙ୍ଗର ହେଉଛନ୍ତି ରେମା  । ଶୋ’ରେ ସପନା ଭୂମିକାରେ ଅଭିନୟ କରୁଥିବା କ୍ରିଷ୍ଣା ଅଭିଷେକ ସୋସିଆଲ ମିଡିଆରେ ରେମାଙ୍କ ସହ ଏକ ଭିଡିଓ ଅପଲୋଡ୍ କରିଛନ୍ତି । ଯେଉଁଥିରେ ରେମା ଶୋ'ର କାଷ୍ଟ କୃଷ୍ଣ ଅଭିଷେକ ଏବଂ କିକୁ ଶାରଦଙ୍କ ସହ 'ନାଗିନ୍' ଗୀତରେ ନାଚୁଥିବା ଦେଖିବାକୁ ମିଳିଛି ।  ରେମା ଶୋ'ରେ ବ୍ଲାକ୍‌ ଆଉଟ୍‌ଫିଟ୍‌ରେ  ନଜର ଆସିଛନ୍ତି । ସେପଟେ ଆଉ ଏକ ଭିଡିଓରେ କପିଲ ମଧ୍ୟ କାମ ଡାଉନ ଗୀତରେ ରୋମାଙ୍କ ସହ ନାଚୁଥିବାର ନଜର ଆସିଛନ୍ତି । ଏହି ଗୀତରେ ଅଡିଏନ୍ସ ମଧ୍ୟ ନାଚୁଥିବାର ନଜର ଆସିଛନ୍ତି । ତେବେ ଏହି ଭିଡିଓକୁ କପିଲ ନିଜ ଇନଷ୍ଟାଗ୍ରାମରେ ସେୟାର କରିଛନ୍ତି । ସୂଚନା ଥାଉ କି, ବର୍ତ୍ତମାନ ରେମା ଭାରତ ଗସ୍ତରେ ଅଛନ୍ତି । ସେ ପ୍ରଥମ ଥର ପାଇଁ ଭାରତ ଆସିଛନ୍ତି। ସେ ମେ' 12ରୁ 14 ପର୍ଯ୍ୟନ୍ତ ଦେଶର ବିଭିନ୍ନ ସହରରେ ଷ୍ଟେଜ୍‌ ଶୋ' କରିଥିଲେ  ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ଏହି ସୁନାମଧନ୍ୟ କଣ୍ଠଶିଳ୍ପୀ ନୋରା ଫତେହିଙ୍କ ସହ ମଧ୍ୟ ମଞ୍ଚରେ ନଜର ଆସିଥିଲେ । ଗତ ବର୍ଷ ଫେବୃଆରୀ 11ରେ, ଏହି ରାପର୍ ତାଙ୍କର ଡେବ୍ୟୁ ଷ୍ଟୁଡିଓ ଆଲବମ୍ ରେଭ୍ ଏବଂ ରୋଜେଜ  ଗୀତକୁ ରିଲିଜ୍ କରିଥିଲେ । ତେବେ କିଛି ସମୟ ମଧ୍ୟରେ ହିଁ ଏହି ଗୀତ ଏହାର ବିଟ୍ ସହ ସାରା ବିଶ୍ୱରେ ଲୋକପ୍ରିୟ ହୋଇପାରିଥିଲା ।