ମହାକାଳେଶ୍ବରଙ୍କ ଶରଣରେ ରାଜକୁମାର ରାଓ, ପତ୍ନୀଙ୍କ ସହ କଲେ ପୂଜାର୍ଚ୍ଚନା

ଭୋପାଳ: ପ୍ରାୟତଃ ସେଲିବ୍ରିଟି ଏବଂ ଅନେକ ବଡ ବଡ ନେତା, ଶିଳ୍ପପତି, ଉଜ୍ଜୈନ ସ୍ଥିତ ମହାକାଳଶ୍ବର ମନ୍ଦିର ପରିଦର୍ଶନ କରୁଥିବା ନଜର ଆସିଥାନ୍ତି । ନିକଟରେ ବଲିଉଡ ଅଭିନେତ୍ରୀ ଅନୁଷ୍କା ଶର୍ମା ଏବଂ ବିରାଟ କେହଲି, ଆଥିଆ ଶେଟ୍ଟୀ ଏବଂ କେ.ଏଲ ରାହୁଲ, ରବୀନା ଟଣ୍ଡନ ସମେତ ଅନେକ ତାରକା ମହାକାଳେଶ୍ବର ମନ୍ଦିର ପରିଦର୍ଶନ କରିଥିଲେ । ଏହାରି ମଧ୍ୟରେ ବର୍ତ୍ତମାନ ବଲିଉଡ ଅଭିନେତା ରାଜକୁମାର ରାଓ ତାଙ୍କ ପତ୍ନୀ ପତ୍ରଲେଖାଙ୍କ ସହ ମହାକାଳେଶ୍ବର ମନ୍ଦିର ପରିଦର୍ଶନ କରିଛନ୍ତି । ଏହି ସମୟରେ ଉଭୟ ରୀତିନୀତିରେ ବାବାଙ୍କ ପୂଜାର୍ଚ୍ଚନା କରିଛନ୍ତି ।

ଏହା ମଧ୍ୟ ପଢନ୍ତୁ: ରାଜକୁମାର କହିଲେ ଏହା ଏକ ବଡ ଦାୟିତ୍ବ

ରାଜକୁମାରଙ୍କ ୱାର୍କପ୍ରଣ୍ଟ କଥା କହିବାକୁ ଗଲେ, ସ୍ତ୍ରୀ-2 ଏବଂ 'ମିଷ୍ଟର ଓ ମିସେସ୍‌ ମାହି'ରେ ନଜର ଆସିବେ । 2018 ମସିହାରେ ଆସିଥିବା ଫିଲ୍ମ ସ୍ତ୍ରୀ ଲୋକଙ୍କ ଖୁବ୍‌ ମନୋରଞ୍ଜନ କରିଥିଲା । ବର୍ତ୍ତମାନ ନିର୍ଦ୍ଦେଶକ ଅମର କୌଶିକ ପୁଣି ସେ ତାଙ୍କ ଚଳଚ୍ଚିତ୍ର ସ୍ତ୍ରୀର ଦ୍ୱିତୀୟ ଭାଗ ସହ ଲୋକଙ୍କୁ ଡରାଇବା ସହ ହସାଇବାକୁ ଯାଉଛନ୍ତି । ଦୀନେଶ ଭାଇଜାନ ଏବଂ ଜ୍ୟୋତି ଦେଶପାଣ୍ଡେ ଏକାଠି ଏହି ଚଳଚ୍ଚିତ୍ର ନିର୍ମାଣ କରୁଥିବା ବେଳେ ଫିଲ୍ମରେ ରାଜକୁମାର ରାଓ, ଶ୍ରଦ୍ଧା କପୁର, ପଙ୍କଜ ତ୍ରିପାଠୀ ଏବଂ ଅଭିଷେକ ବାନାର୍ଜୀ ପୁଣିଥରେ ଫିଲ୍ମରେ ନିଜର କମେଡି ସହ ଲୋକଙ୍କ ହୃଦୟ ଜିତିବେ । ଫିଲ୍ମର କାହାଣୀ ନିରେନ ଭଟ୍ଟ ଲେଖିଛନ୍ତି । ଏଥିସହ ରାଜକୁମାର ରାଓ ଆଗାମୀ ଫିଲ୍ମ 'ମିଷ୍ଟର ଓ ମିସେସ୍‌ ମାହି'ରେ ଜାହ୍ନବୀ କପୁରଙ୍କ ସହ ମୁଖ୍ୟ ଭୂମିକାରେ ନଜର ଆସିବେ ।