92 କଇଁଚ ଉଦ୍ଧାର, ଦୁଇ ଗିରଫ

ନବରଙ୍ଗପୁର: ନବରଙ୍ଗପୁର ମୋଇଦଲପୁର ଥାନା ପୋଲିସକୁ ମିଳିଛି ବଡ଼ ସଫଳତା । 92ଟି ଜୀବନ୍ତ କଇଁଛ ଛୁଆ ଉଦ୍ଧାର କରିବା ସହ ଦୁଇ ଜଣଙ୍କୁ ଗିରଫ କରିଛି ପୋଲିସ । ନବରଙ୍ଗପୁର ଏସ୍ପି ଏସ୍‌ ଶୁଶ୍ରୀଙ୍କ ନିର୍ଦ୍ଦେଶ କ୍ରମେ ମୋଇଦଲପୁର ଥାନା ଅଧିକାରୀ ନଟବର ନନ୍ଦ ଏକ ଟିମ୍‌ ଗଠନ କରି କୌଣସି ସୂତ୍ରରୁ ସୂଚନା ପାଇ ଚଢ଼ାଉ କରିଥିଲେ । ଚଢାଉରେ 92ଟି କଇଁଛ ସହ ଦୁଇ ଜଣଙ୍କୁ ଗିରଫ କରିବାରେ ସଫଳ ହୋଇଛି ପୋଲିସ  । ଗିରଫ ହୋଇଥିବା ଦୁଇ ଜଣ ହେଲେ ଚୈତନ୍ୟ ରାଉତ ଓ ରାଜେଶ ପାଇକ ବୋଲି ଏକ ସାମ୍ବାଦିକ ସମ୍ମିଳନୀରେ ପାପଡାହାଣ୍ଡି SDPO ଆଦିତ୍ୟ ସେନ୍‌ ସୂଚନା ଦେଇଛନ୍ତି । ଗିରଫ ହୋଇଥିବା ଦୁଇ ଜଣଙ୍କୁ ଓ 92ଟି କଇଁଛକୁ ମୋଇଦଲପୁର ବନ ବିଭାଗକୁ ହସ୍ତାନ୍ତର କରାଯିବ । ଅଧିକ ତଦନ୍ତ କରି ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯିବ ବୋଲି ମୋଇଦଲପୁର ବନ ବିଭାଗ ଅଧିକାରୀ ମଧୁସୂଦନ ପାତ୍ର କହିଛନ୍ତି ।

ଇଟିଭି ଭାରତ, ନବରଙ୍ଗପୁର