69Th National Film Awards: ଆୱାର୍ଡ ପାଇ ଖୁସିବ୍ୟକ୍ତ କଲେ ସେଲିବ୍ରିଟି

ନୂଆଦିଲ୍ଲୀ: ନୂଆଦିଲ୍ଲୀରେ ଆୟୋଜିତ 69 ତମ ଜାତୀୟ ଚଳଚ୍ଚିତ୍ର ପୁରସ୍କାର କାର୍ଯ୍ୟକ୍ରମରେ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଠାରୁ ଇଣ୍ଡଷ୍ଟ୍ରିର ଶ୍ରେଷ୍ଠ କଳାକାର ମାନେ ପୁରସ୍କୃତ ହୋଇଛନ୍ତି । ଏହି ଅବସରରେ ଗଣମାଧ୍ୟମ ସହ କଥାବାର୍ତ୍ତା କରି ଆୱାର୍ଡ ପାଇ ଖୁସିବ୍ୟକ୍ତ କରିଛନ୍ତି ସମସ୍ତ ସେଲିବ୍ରିଟି । ୱାହିଦା ରେହମାନ, ଆଲିଆ ଭଟ୍ଟଙ୍କ ଠାରୁ ଆରମ୍ଭ କରି କାରଭାନୀଙ୍କ ପର୍ଯ୍ୟନ୍ତ ସମସ୍ତେ ଏହି ଆୱାର୍ଡ ପାଇ ଖୁସିବ୍ୟକ୍ତ କରିଛନ୍ତି ।  ଦାଦା ସାହେବ ଫାଲକେ ଆୱାର୍ଡ ପ୍ରାପ୍ତ ଅଭିନେତ୍ରୀ ୱାହିଦା ରେହମାନ ପ୍ରତିକ୍ରିୟାରେ କହିଛନ୍ତି, ମୁଁ ଏହି ପୁରସ୍କାର ପାଇ ବହୁତ ଖୁସି । ସେହିପରି ଶ୍ରେଷ୍ଠ ଅଭିନେତ୍ରୀ ଭାବେ ପୁରସ୍କାର ପାଇଥିବା ଆଲିଆ ଭଟ୍ଟ କହିଛନ୍ତି, ଏହା ମୋ ପାଇଁ ଏକ ବଡ ମୁହୂର୍ତ୍ତ । ମୁଁ ଅତ୍ୟଧିକ କୃତଜ୍ଞ । ସେପଟେ ମିମି ପାଇଁ ଶ୍ରେଷ୍ଠ ଅଭିନେତ୍ରୀ ପୁରସ୍କାର ପାଇଥିବା ଅଭିନେତ୍ରୀ କ୍ରିତି ସାନନ ପ୍ରତିକ୍ରିୟାରେ କହିଛନ୍ତି, ମୁଁ ଅତ୍ୟଧିକ ଖୁସି। ମୁଁ ନିଜକୁ ବହୁତ କୃତଜ୍ଞ ମନେ କରୁଛି । ଏହା ଏକ ବିଶେଷ ମୁହୂର୍ତ୍ତ, ବିଶେଷକରି ମିମି ପାଇଁ ଏବଂ ମୋର ପିତାମାତାଙ୍କ ପାଇଁ । ମୁଁ ଏହା ପୂର୍ବରୁ କେବେ ଅନୁଭ କରିନଥିଲା ଯାହା ଆଜି ଅନୁଭବ କରୁଛି । ଅନ୍ୟପଟେ ଜାତୀୟ ଚଳଚ୍ଚିତ୍ର ପୁରସ୍କାରରେ 'ରକେଟ୍ରି: ନାମ୍ବି ଇଫେକ୍ଟ' ପାଇଁ ଶ୍ରେଷ୍ଠ ଫିଚର ଫିଲ୍ମ ପୁରସ୍କାର ପାଇବା ପରେ ଅଭିନେତା ତଥା ନିର୍ଦ୍ଦେଶକ ଆର ମାଧବନ କହିଛନ୍ତି, "ମୁଁ ନିଜକୁ ବହୁତ ଖୁସି ଏବଂ ଗର୍ବିତ ଅନୁଭବ କରୁଛି ।  

​ଏହା ମଧ୍ୟ ପଢନ୍ତୁ: ଦାଦା ସାହେବ ଫାଲକେ ଆୱାର୍ଡ ପାଇ ଭାବୁକ ହେଲେ ୱାହିଦା ରେହମାନ