20 ଫୁଟ୍‌ ଅଜଗରକୁ ପିଟିପିଟି ମାରିଦେଲେ

ଭୁବନେଶ୍ବର: ବିରାଟ ଅଜଗରକୁ ପିଟିପିଟି ମାରିଲେ ଲୋକେ । ଏଭଳି ଚିତ୍ର ଦେଖିବାକୁ ମିଳିଛି ରାଜଧାନୀ ଉପକଣ୍ଠ ବାଲିଆନ୍ତାଅଞ୍ଚଳରେ । ଦୁଇ ଜଣ ସ୍ଥାନୀୟ ଲୋକ ବିଲକୁ ଚାଷ କରିବାକୁ ଯାଇଥିବା ସମୟରେ ଅଜଗର ସେମାନଙ୍କୁ ଆକ୍ରମଣ କରିଥିବା ଅଭିଯୋଗ ହୋଇଥିଲା । ଏହାପରେ ଗ୍ରାମବାସୀ ଏକଜୁଟ ହୋଇ ଠେଙ୍ଗାରେ ସାପଟିକୁ ପିଟିପିଟି ମାରି ଦେଇଛନ୍ତି । ପରେ ସାପଟିକୁ ପାଖ ଜଙ୍ଗଲରେ ଜାଳି ଦେଇଥିବାର ମଧ୍ୟ ସୂଚନା ମିଳିଛି । ସାପର ଲମ୍ବ ପ୍ରାୟ 20 ଫୁଟ ହେବ ବୋଲି ସୂଚନା ମିଳିଛି ।