ସୁରୁଖୁରରେ ସରିଲା ସୁନାବେଶ, ପୁରୀବାସୀଙ୍କୁ ଧନ୍ୟବାଦ ଜଣାଇଲେ ଶ୍ରୀମନ୍ଦିର ପ୍ରଶାସକ

ପୁରୀ:ମହାପ୍ରଭୁଙ୍କ ସୁନା ବେଶ ସୁରୁଖୁରୁରେରେ ଶେଷ ହୋଇଛି । କୋଭିଡ ଗାଇଡ଼ଲାଇନ ଓ ସୁପ୍ରିମକୋର୍ଟଙ୍କ ନିର୍ଦ୍ଦେଶକୁ କଡାକଡିଭାବେ ପାଳନ କରାଯାଇ ଅଳ୍ପ ସେବାୟତରେ ସୁନାବେଶ ଅନୁଷ୍ଠିତ ହୋଇଛି । ତେବେ ପୁରୀରେ କର୍ଫ୍ୟୁ ଲଗାଯାଇଥିବାବେଳେ ପୁରୀ ବାସିନ୍ଦାଙ୍କ ସମର୍ଥନକୁ ଶ୍ରୀମନ୍ଦିର ମୁଖ୍ୟ ପ୍ରଶାସକ ଓ ଦଇତାପତି ନିଯୋଗ ପ୍ରଶଂସା କରିଛନ୍ତି । ସୁନାବେଶ ଆୟୋଜନ ନେଇ ପୁରୀବାସୀଙ୍କ ତ୍ୟାଗ ଓ ଶୃଙ୍ଖଳା ଇତିହାସ ହୋଇ ରହିବ ବୋଲି ଦଇତାପତି ନିଯୋଗ କହିଛି । ତେବେ ଆଗାମୀ ଦିନରେ ଏଭଳି ପରିସ୍ଥିତି ନଆସୁ ଏବଂ ଭକ୍ତଙ୍କ ଉପସ୍ଥିତରେ ରଥଯାତ୍ରା ହେଉ ବୋଲି ଦଇତାପତି ନିଯୋଗ ସମ୍ପାଦକ ଦୁର୍ଗା ଦାସ ମହାପାତ୍ର ମହାପ୍ରଭୁଙ୍କୁ ପ୍ରାର୍ଥନା କରିଥିବା କହିଛନ୍ତି । ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ