ଓଡିଶା କଂଗ୍ରେସ ଯୁବ ନେତା ଚାହୁଁଛି: ସୁର ରାଉତରାୟ

ଭୁବନେଶ୍ବର: ଓଡିଶା କଂଗ୍ରେସରେ ଘଡିକେ ଘୋଡା ଛୁଟୁଛି । କ୍ଷମତା ଲୋଭରେ ପଡି ଦଳକୁ ତଳିତଲାନ୍ତ କରିସାରିଲେଣି ନେତା । ମଝିରେ ମଝିରେ ଆସି କଂଗ୍ରେସ ଭବନରେ କିଛି ନେତା ଦୋଷ ଝାଡ଼ି ଯାଉଛନ୍ତି । ଏଭଳି ହେବା ଦ୍ୱାରା କଂଗ୍ରେସର ପତିଆରା କମୁଛି। ତେଣୁ ସମସ୍ତେ ଏକାଠି ହେଲେ ଯାଇ ବିଜେପି ଓ ବିଜେଡିକୁ ଟକ୍କର ଦିଆଯାଇ ପାରିବ ବୋଲି କହିଛନ୍ତି କଂଗ୍ରେସ ବିଧାୟକ ସୁର ରାଉତରାୟ । ଅନ୍ୟପକ୍ଷେ ରଥଯାତ୍ରା ଶ୍ରେୟ ପାଇଁ ଟଣାଓଟରା ନେଇ ଉଭୟ ବିଜେଡି ଓ ବିଜେପି ଉପରେ ବର୍ଷିଛନ୍ତି ସୁର । ଉଭୟ ଚକ୍ରାନ୍ତ କରିଥିବାବେଳେ ଜଗା ଚାହିଁଲା ବୋଲି ସବୁ ସୁରୁଖୁରୁରେ ହୋଇଥିବା କହିଛନ୍ତି ସୁର । ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ