Tokyo Olypmic: ବାଲୁକା କଳାରେ ବ୍ରୋଞ୍ଜ ପଦକ ବିଜେତା P.V. Sindhuଙ୍କୁ ଶୁଭେଚ୍ଛା

ପୁରୀ: ଷ୍ଟାର ବ୍ୟାଡମିଣ୍ଟନ ଖେଳାଳି ପି ଭି ସିନ୍ଧୁ ଭାରତ ପାଇଁ ଟୋକିଓ ଅଲମ୍ପିକରେ ଦ୍ବିତୀୟ ପଦକ ହାସଲ କରିଛନ୍ତି । ପି ଭି ସିନ୍ଧୁ ଅଲମ୍ପିକ ପଦକ ବିଜୟୀ ହେବା ପରେ ସାରା ଭାରତରେ ଖୁସିର ଲହରୀ ଖେଳିଯାଇଛି । ଏହି ପରିପ୍ରେକ୍ଷୀରେ ପୁରୀ ବେଳାଭୂମିରେ ଆନ୍ତର୍ଜାତୀୟ ଖ୍ୟାତି ସମ୍ପନ୍ନ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ ବାଲୁକା କଳା ମାଧ୍ୟମରେ ଭାରତର ଗର୍ବ ଓ ଗୌରବ ପି. ଭି. ସିନ୍ଧୁ ବୋଲି ଶୁଭେଚ୍ଛା ଜଣାଇଛନ୍ତି । ସେ ଆଜି ବ୍ରୋଞ୍ଜ ପଦକ ଲଢେଇରେ ଚୀନର ହି ବିଂଜିଆଓଙ୍କ ସହ ପ୍ରତିଦ୍ବନ୍ଦିତା କରିଥିଲେ । ସେ ଏହି ଲଢେଇରେ ଦୁଇଟି ସିଧା ସେଟ୍ ୨୧-୧୩, ୨୧-୧୫ ପଏଣ୍ଟରେ ବିଜୟ ହାସଲ କରିଥିଲେ । ପୁରୀରୁ ଶକ୍ତି ପ୍ରସାଦ ମିଶ୍ର,ଇଟିଭି ଭାରତ