ଖାଦ୍ୟ ଓ ଖାଦକର ସମ୍ପର୍କ ଦେଖି ଆଶ୍ଚର୍ଯ୍ୟ ଲୋକେ

କେନ୍ଦ୍ରାପଡ଼ା: ନଦୀରେ ଭାସୁଛି ବଉଳା କୁମ୍ଭୀର । ପାଣିର ଢେଉ ସହ କୁମ୍ଭୀରଟି କୂଳ ନିକଟବର୍ତ୍ତୀ ହେଉଥିବା ବେଳେ ଲୋକମାନେ ଏହାର ମଜ୍ଜା ନେଉଥାନ୍ତି । ତେବେ ଏ ଦୃଶ୍ୟ ହେଉଛି କେନ୍ଦ୍ରାପଡ଼ା ଜିଲ୍ଲା ରାଜନଗର ତାଳଚୁଆ ଫେରି ଘାଟ ନିକଟର । ଏକ ବିରାଟ ବଉଳା କୁମ୍ଭୀର ନଦୀରେ ଭାସୁଥିବା ସମୟରେ କୂଳରେ ଲାଗିଥିବା ଏକ ମୃତ କୁକୁରକୁ ଖାଇବା ପାଇଁ ଝାମ୍ପି ନେଇଥିଲା । ଏହି ଦୃଶ୍ୟ ଦେଖିବା ପାଇଁ ରାସ୍ତା ଉପରେ ଲୋକଙ୍କ ଭିଡ ଜମିଥିଲା । ଖାଦ୍ୟ ଓ ଖାଦକର ଏଭଳି ଦୃଶ୍ୟକୁ ଲୋକମାନେ ଉପଭୋଗ କରିବା ସହ ବିରାଟ କୁମ୍ଭୀରକୁ ଦେଖି ଭୟଭୀତ ହୋଇଥିଲେ।