ମୁଖ୍ୟମନ୍ତ୍ରୀଙ୍କ ଲୋକପ୍ରିୟତା ପାଇଁ ଜିତୁଛି ବିଜେଡି: ମନ୍ତ୍ରୀ ପ୍ରତାପ ଜେନା

କଟକ: ସରିଛି ପୌର ନିର୍ବାଚନ ଏବଂ ଗତକାଲି ଘୋଷଣା ହୋଇଛି ବିଜୟୀ ପ୍ରାର୍ଥୀଙ୍କ ନାମ । ତେବେ କଟକରେ ବିଜେଡିର ସଫଳତାକୁ ନେଇ ଖୁସି ମନାଇଛନ୍ତି ବିଜେଡି ନେତା । ପୂର୍ବତନ ବିଜେଡି ବିଧାୟକ ଦେବାଶିଷ ସାମନ୍ତରାୟଙ୍କ ବାସଭବନରେ ସମସ୍ତ କର୍ପୋରେଟର ଓ ବିଜେଡି ନେତା ମାନେ ଏକାଠି ହୋଇ ପରସ୍ପରକୁ ସବୁଜ ରଙ୍ଗ ଲଗାଇ ଖୁସି ମନାଇଛନ୍ତି । ତେବେ ନଗର ଉନ୍ନୟନ ମନ୍ତ୍ରୀ ପ୍ରତାପ ଜେନା ମଧ୍ୟ ଯୋଗଦେଇ ସମସ୍ତ ବିଜୟୀ କର୍ପୋରେଟର ମାନଙ୍କୁ ଶୁଭେଚ୍ଛା ଜଣାଇବା ସହ ଲୋକଙ୍କ ପାଇଁ କାମ କରିବାକୁ ପରାମର୍ଶ ଦେଇଥିଲେ। ମୁଖ୍ୟମନ୍ତ୍ରୀଙ୍କ ଲୋକପ୍ରିୟତା ପାଇଁ ସହରରେ ବିଜେଡି ଜିତୁଥିବା କହିବା ସହ ସହରବାସୀଙ୍କୁ କୃତଜ୍ଞତା ଜଣାଇଛନ୍ତି ମନ୍ତ୍ରୀ ପ୍ରତାପ ଜେନା । କଟକରୁ ନାରାୟଣ ସାହୁ, ଇଟିଭି ଭାରତ