Municipal Result: ବରଗଡରେ ପୋଛିନେଲା BJD

ବରଗଡ଼: ପୌର ପରିଷଦ ନିର୍ବାଚନରେ ବିଜେଡିର କଳ୍ପନା ମାଝି ବିଜୟୀ ହୋଇଛନ୍ତି । ବିଜେପିର ଅନୁରାଧା ଅଗ୍ରୱାଲଙ୍କ ଠାରୁ 6442 ଅଧିକ ଭୋଟ ପାଇଁ କଳ୍ପନା ମାଝୀ ବିଜୟୀ ହୋଇଛନ୍ତି । ସେହିପରି ବରଗଡ଼ ପୌର ପରିଷଦରେ 19 ଗୋଟି ୱାର୍ଡ଼ ରହିଥିବା ବେଳେ 18 ଗୋଟି ୱାର୍ଡ଼ରେ ବିଜେଡି ୱାର୍ଡ଼ ମେମ୍ବର ବିଜୟୀ ହୋଇଛନ୍ତି । କେବଳ 17 ନମ୍ବର ୱାର୍ଡ଼ରେ ବିଜେପିର ପ୍ରାର୍ଥୀ ବିଜୟ ଲାଭ କରିଛନ୍ତି । ବରଗଡ଼ ପୌର ପରିଷଦ ନିର୍ବାଚନରେ ବିଜେଡି କ୍ରମାଗତ ଭାବେ ବିଜୟ ଧାରାକୁ ବଜାୟ ରଖିଥିବା ବେଳେ ବିରୋଧୀଙ୍କୁ ପୁଣି ନିରାଶ ହେବାକୁ ପଡିଛି । ପଞ୍ଚାୟତ ନିର୍ବାଚନରେ ବିଜେଡି ସାରା ଜିଲ୍ଲାରେ ନିଜର ଅସ୍ତିତ୍ବ ବଜାୟ ରଖିଥିବା ବେଳେ ପୁଣି ପୌର ନିର୍ବାଚନରେ ମଧ୍ୟ ଜନସାଧାରଣ ଶାସକ ଦଳ ଉପରେ ଭରସା କରିଛନ୍ତି । ଆଗାମୀ 5 ବର୍ଷ ପାଇଁ ପୁଣି ଥରେ ସୁଯୋଗ ଦେଇଛନ୍ତି । ତେବେ ବରଗଡରେ ବିଜେଡି ଦଳର ବାଜିମାତ ପରେ ସହରରେ ବିଜୟ ଉତ୍ସବ ପାଳନ କରାଯାଉଥିବା ଦେଖିବାକୁ ମିଳିଛି । ବରଗଡ଼ରୁ ରାଜେସ ସରାପ, ଇଟିଭି ଭାରତ