ଚଳନ୍ତା ଟ୍ରେନ ଉପକୁ ମାଡି ଆସିଲା ବର୍ଷା ପାଣି, ଆଉ ତା' ପରେ...

ପାନାଜି: ପ୍ରବଳ ବର୍ଷା ହେତୁ ଅଟକିଲା ଟ୍ରେନ । ଏକ ଟ୍ରେନ ରେଲଓ୍ବେ ଟ୍ରାକରେ ଯାଉଥିବା ସମୟରେ ହଠାତ ପାଣି ମାଡି ଆସିବାରୁ ଅଟକିଯାଇଥିଲା । ପାଣିର ସ୍ରୋତ ଏତେ ଭୟଙ୍କର ଥିଲା ଯେ ଶେଷରେ ଟ୍ରେନକୁ ଅଟକିବାକୁ ପଡିଥିଲା । ଯାହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହୋଇଛି । ଭାଇରାଲ ହୋଇଥିବା ଏହି ଭିଡିଓ ହେଉଛି ଗୋଆର । ଦକ୍ଷିଣ-ପଶ୍ଚିମ ରେଳବାଇର ଦୁଧ୍ ସାଗର ଜଳପ୍ରପାତ ଦେଇ ଟ୍ରେନଟି ଯାଉଥିବା ସମୟରେ ଏହି ଭିଡିଓଟିକୁ ଉତ୍ତେଳନ କରାଯାଇଥିଲା । ମାଣ୍ଡୋଭି ନଦୀରେ ଥିବା ଜଳପ୍ରପାତରୁ ବହୁ ପରିମାଣର ଜଳ ଛାଡିବା ପରେ ଏପରି ପରିସ୍ଥିତି ଉପୁଜିଥିଲା ଫଳରେ ଟ୍ରେନଟି ଅଟକି ରହିଥିଲା ।