ଟ୍ରାକ୍ଟର ରାଲି: ଖଣ୍ଡାରେ ପୋଲିସ ଉପରକୁ ଆକ୍ରମଣର ପ୍ରୟାସ

ନୂଆଦିଲ୍ଲୀ: ସାଧାରଣତନ୍ତ୍ର ଦିବସରେ ଆଜି ଚାଷୀଙ୍କ ଟ୍ରାକ୍ଟର ରାଲି। ଏହି ରାଲିରେ ଭାଗ ନେଇଥିବା କୃଷକମାନେ ରୁଟ୍‌ ବଦଳାଇ ବିଭିନ୍ନ ସ୍ଥାନରେ ବ୍ୟାରିକେଡ ଭାଙ୍ଗିଛନ୍ତି । ତେବେ ଅକ୍ଷରଧାମ ନିକଟରେ ବ୍ୟାରିକେଡ ଭାଙ୍ଗିବାକୁ କୃଷକମାନେ ପ୍ରୟାସ କରୁଥିବାରୁ ପୋଲିସ ଲାଠିଚାର୍ଜ ସହ ଲୁହବୁହା ଗ୍ୟାସ ପ୍ରୟୋଗ କରିଥିଲା । ତେବେ ଏହି ସମୟରେ ଜଣେ ଉତ୍ୟକ୍ତ ଚାଷୀ ଖଣ୍ଡା ଧରି ପୋଲିସଙ୍କୁ ଆକ୍ରମଣ କରିବାର ପ୍ରୟାସ କରିଥିଲେ । କିନ୍ତୁ ସୌଭାଗ୍ୟବଶତଃ ଅନ୍ୟ ଚାଷୀମାନେ ସେଠାରେ ସ୍ଥିତିକୁ ସମ୍ଭାଳି ନେଇଥିଲେ । ବ୍ୟୁରୋ ରିପୋର୍ଟ, ଇଟିଭି ଭାରତ