ଟିଭିରେ ବାପା ପୂଜାରାଙ୍କୁ ଦେଖି ନାଚି ଉଠିଲେ କୁନି ଝିଅ

ହାଇଦ୍ରାବାଦ: ଅଷ୍ଟ୍ରେଲିଆ ମାଟିରେ ଭାରତର ଐତିହାସିକ ଜିତକୁ ନେଇ ସାରାଦେଶ ଏହି ଖୁସି ମୂହର୍ତ୍ତକୁ ସେଲିବ୍ରେଟ କରୁଥିବାବେଳେ ଚେତେଶ୍ବର ପୂଜାରାଙ୍କ ଝିଅ ମଧ୍ୟ ବାପାଙ୍କ ଜିତରେ ନାଚୁଥିବା ଦେଖିବାକୁ ମିଳିଛି । ଗାବା ଷ୍ଟାଡିୟମରେ ଭାରତୀୟ ଦଳ ଘରୋଇ ଟିମକୁ ପରାସ୍ତ କରି ଐତିହାସିକ ବିଜୟ ହାସଲ କରିଛି । ବହୁ ପ୍ରତୀକ୍ଷିତ ଏହି ମୂହର୍ତ୍ତକୁ ଟିଭିରେ ଦେଖିବା ପରେ ପୂଜାରାଙ୍କ କୁନି ଝିଅ ମଧ୍ୟ ନିଜକୁ ସମ୍ଭାଳି ନପାରି ଖୁସିରେ ନିଆରା ଷ୍ଟାଇଲରେ ନାଚି ଉଠୁଥିବା ଦେଖିବାକୁ ମିଳିଛି । ଏହି ଭିଡିଓ ଏବେ ସୋସିଆଲ ମିଡିଆରେ ଚେତେଶ୍ବରଙ୍କ ବାପା ସେୟାର କରିଛନ୍ତି ।