ନିର୍ବାଚନୀ ମଞ୍ଚରୁ ମୋଦିଙ୍କ ଅପିଲ, ପାର୍ବଣରେ ଲୋକାଲ କିଣିବାକୁ ଅନୁରୋଧ

ପାଟନା: ନବରାତ୍ରୀର ମହାସପ୍ତମୀ ଅବସରରେ ବିହାର ନିର୍ବାଚନର ଶଙ୍ଖନାଦ କରିସାରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ସାସାରାମ ପରେ ଭାଗଲପୁର ରାଲିରେ ମଧ୍ୟ ବିରୋଧିଙ୍କ ଉପରେ ବର୍ଷିଛନ୍ତି ପ୍ରଧାନମନ୍ତ୍ରୀ । ପ୍ରଧାନମନ୍ତ୍ରୀ ମୋଦି କହିଛନ୍ତି, ମହାମାରୀ କୋରୋନା କାଳରେ ଏ ହେଉଛି ବିଶ୍ବର ପ୍ରଥମ ବଡ ନିର୍ବାଚନ । 90 ଦଶକର ବିହାରକୁ ଅରାଜକତା ଓ ଅବ୍ୟବସ୍ଥାର ପଙ୍କ ମଧ୍ୟକୁ ଠେଲି ଦିଆଯାଇଥିଲା । ଆଜି ବି ବିହାରର ଅନେକ ସମସ୍ୟାର ମୂଳ କାରଣ 90 ଦଶକର ଅବ୍ୟବସ୍ଥା ଓ କୁଶାସନ । ହେଲେ ଏବେ ଏକ ନୂଆ ବିହାର ନିର୍ମାଣକୁ ସମସ୍ତେ ଦେଖିବାକୁ ଯାଉଛନ୍ତି । ବିହାରରେ ଆଉ ଲଣ୍ଠନର ଆବଶ୍ୟକତା ନଥିବା କହିଛନ୍ତି ମୋଦି ।