ଭୋପାଳରେ ସିନ୍ଧିଆଙ୍କୁ ଭବ୍ୟ ସ୍ବାଗତ

ଭୋପାଳ: ବିଧିବଦ୍ଧ ଭାବେ ବୁଧବାର ବିଜେପିରେ ଯୋଗ ଦେବା ପରେ ଜ୍ୟୋତିରାଦିତ୍ୟ ସିନ୍ଧିଆ ମଧ୍ୟପ୍ରଦେଶର ରାଜଧାନୀ ଭୋପାଳରେ ପହଞ୍ଚିଛନ୍ତି । ବାଜା, ଢୋଲ ବଜାଇ ମହାରାଜଙ୍କୁ ଭବ୍ୟ ସ୍ବାଗତ କରିଛନ୍ତି ବିଜେପି କର୍ମକର୍ତ୍ତା । ସ୍ଥାନୀୟ ଏୟାରପୋର୍ଟରେ ପହଞ୍ଚିବା ପରେ ସିନ୍ଧିଆ ଏଠାରୁ ରୋଡ ଶୋ’ କରି ମଧ୍ୟପ୍ରଦେଶ ବିଜେପି ମୁଖ୍ୟାଳୟ ଯାଉଛନ୍ତି । ରାଜ୍ୟ ବିଜେପି ମୁଖ୍ୟାଳୟରେ ମଧ୍ୟ ସିନ୍ଧିଆଙ୍କ ସ୍ବାଗତ ପାଇଁ ଜୋରସୋରରେ ପ୍ରସ୍ତୁତି ଚାଲିଛି । ଫୁଲ, ପୋଷ୍ଟର ବ୍ୟାନରରେ ସଜା ହୋଇଛି ବିଜେପି କାର୍ଯ୍ୟାଳୟ । ଏକ ପ୍ରକାରର ରାଜକୀୟ ସ୍ବାଗତ ଭଳି ପରିଲକ୍ଷିତ ହୋଇଛି ।