କେରଳର ରୋବର୍ଟ ଟିଚର୍‌: ପାଠ ପଢ଼ାଉଛି, କଟକଣା ବତାଉଛି

ଦୀର୍ଘ ଦିନ ଧରି କୋରୋନା କଟକଣା ପରେ କେରଳରେ ସ୍କୁଲ୍‌ ଖୋଲିବା ଧୀରେଧୀରେ ଆରମ୍ଭ ହେଉଛି । ବିଭିନ୍ନ ସ୍କୁଲ୍‌ରେ ଛାତ୍ରଛାତ୍ରୀଙ୍କ ପୁନଃ ସ୍ବାଗତ ଜୋରଦାର ପ୍ରସ୍ତୁତି କରାଯାଉଛି । ଏହାରି ମଧ୍ୟରେ ମାମ୍ବ୍ରାମର କିଝାଟ୍ଟୁର ଉଚ୍ଚ ପ୍ରାଥମିକ ବିଦ୍ୟାଳରେ ଏକ ମଜାଦାର ଦୃଶ୍ୟ ଦେଖିବାକୁ ମିଳୁଛି । ଏଠାରେ ଏକ ରୋବର୍ଟ ସ୍କୁଲ୍‌ ଛାତ୍ରଛାତ୍ରୀଙ୍କୁ ସ୍ବାଗତ କରୁଥିବା ଦେଖିବାକୁ ମିଳୁଛି । ଗୁରୁତ୍ବପୂର୍ଣ୍ଣ କଥା ହେଉଛି ସ୍କୁଲ୍‌ର ଜଣେ ଶିକ୍ଷକହିଁ ଏହାକୁ ତିଆରି କରିଛନ୍ତି । ପିଲାଙ୍କୁ କୋଭିଡ ସଂକ୍ରମଣ ଓ କୋଭିଡ କଟକଣା ସହ ପାଠ ପଢ଼ାଉଛି ଏହି ରୋବର୍ଟ । ରୋବର୍ଟ ଗୁରୁ ପାଇ ପିଲାମାନେ ମଧ୍ୟ ଖୁସି ଜାହିର କରିଛନ୍ତି ।