ସ୍କୁଟି ଉପରେ ମାଡିଗଲା ଦ୍ରୁତଗାମୀ ଟିପ୍ପର, ମହିଳା ମୃତ

ହାଇଦ୍ରାବାଦ: ତେଲେଙ୍ଗାନା ମେଦଚଲ ଜିଲ୍ଲା କାପ୍ରା ଅଞ୍ଚଳରେ ମର୍ମନ୍ତୁଦ ସଡକ ଦୁର୍ଘଟଣା । ସ୍କୁଟି ଉପରେ ମାଡିଗଲା ଦ୍ରୁତଗାମୀ  ଟିପ୍ପର । ଘଟଣାସ୍ଥଳରେ ଜଣେ ମହିଳାଙ୍କର ମୃତ୍ୟୁ ଘଟିଛି । ସୂଚନା ଅନୁସାରେ, ଏପିଆଇସି କଲୋନୀର 35 ବର୍ଷିୟା ମହିଳା ସରିତା କେଉଁ କାମରେ ବାହାରକୁ ଯାଇଥିଲେ । ଘରକୁ ଫେରିବା ସମୟରେ ପଛପଟୁ ଟ୍ରକ ଆସି ତାଙ୍କ ଉପରେ ମାଡି ଯାଇଥିଲା । ଫଳରେ ତାଙ୍କର ଘଟଣାସ୍ଥଳରେ ହିଁ ମୃତ୍ୟୁ ଘଟିଥିଲା ।  ଘଟଣାର ସମସ୍ତ ଦୃଶ୍ୟ ରାସ୍ତାରେ ଲାଗିଥିବା ସିସିଟିଭିରେ କଏଦ ହୋଇଥିଲା ଦୁର୍ଘଟଣା ପରେ ଟିପ୍ପର ଚାଳକ ଘଟଣାସ୍ଥଳରୁ ଫେରାର ହୋଇଯାଇଥିଲା । ବର୍ତ୍ତମାନ ପୋଲିସ ଫୁଟେଜ ଆଧାରରେ ତଦନ୍ତ ଆରମ୍ଭ କରିଛି ।