ସୁଖୋଇ ଏୟାରକ୍ରାଫ୍ଟରୁ 'ରୁଦ୍ରମ'ର ସଫଳ ପରୀକ୍ଷଣ କଲା DRDO

ନୂଆଦିଲ୍ଲୀ: ସୀମାରେ ଜାରି ଉତ୍ତେଜନା ମଧ୍ୟରେ ଆଣ୍ଟି ରେଡିଏସନ ମିସାଇଲ ରୁଦ୍ରମର ସଫଳ ପରୀକ୍ଷଣ କରିଛି ଭାରତୀୟ ପ୍ରତିରକ୍ଷା ଓ ଅନୁସନ୍ଧାନ ବିକାଶ ସଙ୍ଗଠନ ତଥା ଡିଆରଡିଓ । ସୁଖୋଇ ଫାଇଟର ଏୟାରକ୍ରାଫ୍ଟରୁ ଏହି ମିସାଇଲର ସଫଳ ପରୀକ୍ଷଣ କରାଯାଇଛି । ଏହି ସ୍ବଦେଶୀ ମିସାଇଲ କୌଣସି ବି ପ୍ରକାର ସିଗ୍ନାଲ ତଥା ରେଡିଏସନକୁ ଟ୍ରାକ କରିବା ସହ ଏହାକୁ ନିଜ ରାଡାରକୁ ଆଣି ନଷ୍ଟ କରିବାର କ୍ଷମତା ରଖିଛି । ଏହା ପୂର୍ବରୁ ସୁପରସୋନିକ ମିସାଇଲ ଆସିଷ୍ଟେଡ ରିଲିଜ ଅଫ ଟର୍ପିଡୋ ସ୍ମାର୍ଟର ସଫଳ ପରୀକ୍ଷଣ କରାଯାଇଥିଲା । ପ୍ରତିରକ୍ଷା ଅନୁସନ୍ଧାନ ଏବଂ ବିକାଶ ସଂଗଠନ (DRDO) ଏହାକୁ ଓଡିଶାର ଉପକୂଳବର୍ତ୍ତୀ ଅଞ୍ଚଳରେ ପରୀକ୍ଷା କରିଥିଲା।