ମାତୃତ୍ବ ପ୍ରେମ: ମା' ମାଙ୍କଡ଼ କୋଳରେ ଖେଳୁଛନ୍ତି କୁକୁର ଛୁଆ, ଦେଖନ୍ତୁ ସ୍ନେହଭରା ଭିଡିଓ

ପାଟନା: ମା' ସଭିଁଙ୍କ ପାଇଁ ହୋଇଥାଏ ମାଆ । ମା'ର ମମତା ଆଗରେ ଜାତିଭେଦର ନଥାଏ ବାଛ ବିଚାର । ମା'ର ମମତା ସଭିଁଙ୍କ ପାଇଁ ହୋଇଥାଏ ଏକ । ଏକଥା ପ୍ରମାଣ କରିଛି ଏକ ପଶୁ । ଆଜ୍ଞା ହଁ, ଏଠାରେ ମା' ମାଙ୍କଡ଼ ପ୍ରେମରେ ବାନ୍ଧି ହୋଇପଡ଼ିଛନ୍ତି ୨ କୁକୁର ଛୁଆ । ଉଭୟ ଉଭୟଙ୍କ ପ୍ରେମରେ ହୋଇଯାଇଥାନ୍ତି ବନ୍ଧା । ୨ କୁକୁର ଛୁଆ ମା' ମାଙ୍କଡ଼ କୋଳରେ ଖେଳିବାଠାରୁ ଆରମ୍ଭ କରି ନିଜ ମା' ପରି ତା' ପାଖରେ ରହୁଛନ୍ତି । ତେବେ ମାଙ୍କଡ଼ ଓ କୁକୁରଙ୍କ ମଧ୍ୟରେ ଅହି-ନକୁଳ ସମ୍ପର୍କ ରହିଥିବା ବେଳେ ଏଠାରେ ତା'ର ସମ୍ପୂର୍ଣ୍ଣ ବ୍ୟତିକ୍ରମ ଦେଖିବାକୁ ମିଳିଛି । ଏଭଳି ଦୃଶ୍ୟ ବିହାରର ସିୱାନ ଅଞ୍ଚଳରେ ଦେଖିବାକୁ ମିଳିଛି । ଲୋକମାନେ ଏହି ସ୍ନେହ, ପ୍ରେମଭରା ଦୃଶ୍ୟ ଦେଖି କ୍ୟାମେରାରେ କଏଦ କରିଛନ୍ତି । ନା ଯେ କେବଳ ମା' ମାଙ୍କଡ଼ ଏଠି କିଛି କ୍ଷଣ ପାଇଁ କୁକୁର ଛୁଆଙ୍କୁ କୋଳରେ ଧରିଛି, ତାହା ନୁହେଁ ପୁରା ଦିନ ସେମାନଙ୍କ ଯତ୍ନ ନେଉଛି । ସେମାନଙ୍କ ପାଇଁ ଖାଦ୍ୟ ଯୋଗାଡ଼ କରିବା ସହିତ ତାଙ୍କୁ ନିତି ଜଗି ରହୁଛି । ରାତି ହେଲେ ପାଖରେ ଥିବା ହନୁମାନ ମନ୍ଦିର ନେଇ ଶୁଆଇ ଦେବା ସହିତ କୋଳରେ ଜାକି ଏ ଗଛରୁ ସେ ଗଛକୁ ଲମ୍ଫ ମଧ୍ୟ ମାରୁଛି । ଯାହାକୁ ଦେଖି ଆଶ୍ଚର୍ଯ୍ୟ ଦେଖଣାହାରୀ । ବ୍ୟୁରୋ ରିପୋର୍ଟ, ଇଟିଭି ଭାରତ