ସମୁଦ୍ରକୁ ଡେଇଁଲେ ରାହୁଲ, ଭାଇରାଲ ହେଲା ଭିଡିଓ

ନୂଆଦିଲ୍ଲୀ: ସମୁଦ୍ରକୁ ଡିଆଁ ମାରିଲେ ରାହୁଲ । କେରଳର କୋଲ୍ଲାମ ଗସ୍ତ କରିବା ସମୟରେ କଂଗ୍ରେସ ସାଂସଦ ରାହୁଲ ଗାନ୍ଧି ଥଙ୍ଗାସେରି ଠାରେ ସମୁଦ୍ର ଭିତରକୁ ଡେଇଁଥିଲେ । ଏହି ଗସ୍ତ ସମୟରେ ରାହୁଲ ମତ୍ସଜୀବୀଙ୍କ ସହ ଡଙ୍ଗାରେ ସମୁଦ୍ର ଭିତରକୁ ଯାଇଥିଲେ । ଆଉ ଏତିକିବେଳେ ଜଣେ ମତ୍ସଜୀବୀ ମାଛ ଧରିବାକୁ ଜାଲ ପକାଇବା ସମୟରେ କେହି କିଛି ବୁଝିବା ପୂର୍ବରୁ ସମୁଦ୍ରକୁ ଡେଇପଡିଥିଲେ ରାହୁଲ । ଆଉ ପ୍ରାୟ 10 ମିନିଟ କାଳ ଅନ୍ୟ ମତ୍ସଜୀବୀଙ୍କ ସହ ସମୁଦ୍ରରେ ପହଁରିଥିଲେ । ମତ୍ସଜୀବୀଙ୍କ ଜୀବନ ଓ ଜୀବିକାକୁ ଆହୁରି ନିକଟରୁ ଜାଣିବା ପାଇଁ ରାହୁଲ ଏପରି ସମୁଦ୍ର ଭିତରକୁ ଡେଇଁଥିବା କୁହାଯାଉଛି । ତେବେ ଏହି ସମୟରେ ଗଙ୍ଗାରେ ରାହୁଲଙ୍କ ସହ ତାଙ୍କର ଜଣେ ବ୍ୟକ୍ତିଗତ ସୁରକ୍ଷା ଅଧିକାରୀ ଉପସ୍ଥିତ ଥି୍ଲେ ।