Bharat Bandh: ଯାଜପୁର ଡାକବଙ୍ଗଳା ଛକରେ AITUCର ଆନ୍ଦୋଳନ

ଯାଜପୁର: ଜିଲ୍ଲାର ଯାଜପୁର ରୋଡ ସ୍ଥିତ ଡାକବଙ୍ଗଳା ଛକରେ AITUC ଜିଲ୍ଲା ସଂଗଠନ ପକ୍ଷରୁ ଭାରତ ବନ୍ଦକୁ ସମର୍ଥନ କରି ପ୍ରତିବାଦ କରାଯାଇଛି । ଆଜି(ସୋମବାର) ଠାରୁ ୨ ଦିନ ଭାରତ ବନ୍ଦ ଡାକରା ଦେଇଛନ୍ତି ବିଭିନ୍ନ ଟ୍ରେଡ଼ ୟୁନିୟନ ସଂଗଠନ । ଏନେଇ ଟ୍ରେଡ ୟୁନିୟନ ନେତାମାନେ କହିଛନ୍ତି ଯେ କେନ୍ଦ୍ର ସରକାରଙ୍କ କୃଷକ ମାରଣା ନୀତି, ଜନ ବିରୋଧୀ ଓ ରାଷ୍ଟ୍ର ବିରୋଧୀ ନୀତି ବିରୋଧରେ ଏହି ବନ୍ଦ ଡାକରା ଦିଆଯାଇଛି । ଏହାସହ ବ୍ୟାଙ୍କ ଓ ବୀମା ସହିତ ଜଡିତ କର୍ମଚାରୀ ସଂଘ, କୋଇଲା, ଇସ୍ପାତ, ତୈଳ, ଡାକ କର୍ମଚାରୀ ସଂଘ, ଦୂରସଂଚାର କର୍ମଚାରୀ ସଂଘ, ଆୟକର ବିଭାଗ କର୍ମଚାରୀ ସଂଘଗୁଡିକ ମଧ୍ୟ ଆନ୍ଦୋଳନକୁ ସମର୍ଥନ ଜଣାଇ ଦୁଇଦିନିଆ ଭାରତ ବନ୍ଦରେ ସାମିଲ ହେଉଛନ୍ତି । ତେବେ ଏହାକୁ ଦୃଷ୍ଟିରେ ରଖି ଯାଜପୁର ରୋଡ ସ୍ଥିତ ଦଳା ଛକରେ ଏଆଇଟିୟୁସି ଜିଲ୍ଲା ସଂଗଠନ ପକ୍ଷରୁ ଭାରତ ବନ୍ଦକୁ ସମର୍ଥନ ଜଣାଇ ପ୍ରତିବାଦ କରାଯାଇଛି । ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ