ବସ୍ତି ବାସିନ୍ଦାଙ୍କୁ ବେଘର କଲା ପ୍ରଶାସନ, ଥଇଥାନ ନକଲେ କରିବେ ଭୋଟ ବର୍ଜନ

ବଲାଙ୍ଗୀର: ପୌର ନିର୍ବାଚନ ନେଇ ଆରମ୍ଭ ହୋଇ ସାରିଛି ପ୍ରକ୍ରିୟା । ଗତକାଲି(ବୁଧବାର)ଠାରୁ ନାମାଙ୍କନ ଭରିବା ପ୍ରକ୍ରିୟା ଆରମ୍ଭ ହୋଇଛି । ଏହି କ୍ରମରେ ବଲାଙ୍ଗୀର ସହରରେ ମଧ୍ୟ ନାମାଙ୍କନ ଦାଖଲ ପ୍ରକ୍ରିୟା ଆରମ୍ଭ ହୋଇସାରିଛି । ତେବେ ବଲାଙ୍ଗୀର ସହର କ୍ରମଶଃ ବଢି ଚାଲିଥିବା ବେଳେ ପ୍ରଶାସନ ବିକାଶ ନାଁରେ ଅନେକ ବସ୍ତି ଉଚ୍ଛେଦ କରିଛି । ଯେଉଁଥିରେ ବଲାଙ୍ଗୀର 19 ନମ୍ବର ୱାର୍ଡର ଫଳସା ପତ୍ରି ପଡା ମଧ୍ୟ ଉଚ୍ଛେଦ ହୋଇଥିଲା । ଅନେକ ଗୁହାରି ଓ ଦାବି ପରେ ମଧ୍ୟ ପ୍ରଶାସନ ବସ୍ତି ଉଚ୍ଛେଦ କରି ସମସ୍ତଙ୍କୁ ବେଘର କରିଥିଲା। ସେପଟେ ଉଚ୍ଛେଦ ହୋଇଥିବା ବସ୍ତି ବାସିନ୍ଦା ଥଇଥାନ ନ ହେବା ପର୍ଯ୍ୟନ୍ତ ଭୋଟ ବର୍ଜନର ନିଷ୍ପତ୍ତି ନେଇଛନ୍ତି । ଏନେଇ 19 ନମ୍ବର ୱାର୍ଡର ବାସିନ୍ଦାଙ୍କ ସହ ଅଧିକ ଆଲୋଚନା କରିଛନ୍ତି ଆମ ବଲାଙ୍ଗିର ପ୍ରତିନିଧୀ ଶେଖ ମହମ୍ମଦ ୱାହିଦ ।