ବୋହୂକୁ ଭୋଟ ନଦେବାକୁ ଜାଡେଜାଙ୍କ ବାପାଙ୍କ ପ୍ରଚାର, କହିଲେ କଂଗ୍ରେସକୁ ଦିଅ ଭୋଟ୍‌

ଗାନ୍ଧୀନଗର: ରାଜନୈତିକ ମୈଦାନକୁ ଓହ୍ଲାଇଛନ୍ତି କ୍ରିକେଟର ରବିନ୍ଦ୍ର ଜାଡେଜାଙ୍କ ପତ୍ନୀ ରିବାବା । ଗୁଜୁରାଟ ଜାମନଗର ଆସନରୁ ବିଜେପି ଟିକେଟ୍‌ ପାଇବା ପରେ ସେ ଏବେ ଜୋରାଦାର ପ୍ରଚାର କରୁଛନ୍ତି । କ୍ରିକେଟର ରବିନ୍ଦ୍ର ଜାଡେଜା ମଧ୍ୟ ପତ୍ନୀଙ୍କୁ ପ୍ରଚାରରେ ସହଯୋଗ କରୁଛନ୍ତି । କିନ୍ତୁ ବିଡ଼ମ୍ବନାର ବିଷୟ ହେଉଛି ରିବାବାଙ୍କୁ ଭୋଟ ନଦେବାକୁ ତାଙ୍କ ଶ୍ବଶୂର ବା ଜାଡେଜାଙ୍କ ବାପା ପ୍ରଚାର କରୁଛନ୍ତି । କେବଳ ସେ ନୁହନ୍ତି ରବନ୍ଦ୍ର ଜାଡେଜାଙ୍କ ଭଉଣୀ ଓ ମାଆ ମଧ୍ୟ ରିବାବାଙ୍କୁ ଭୋଟ ନଦେବାକୁ ଅପିଲ୍‌ କରିଛନ୍ତି । ଏହାକୁ ନେଇ ଭିଡିଓ ରିଲିଜ୍‌ କରିଛନ୍ତି ରବନ୍ଦ୍ର ଜାଡେଜାଙ୍କ ବାପା । ଜାମନଗର ଆସନରେ କଂଗ୍ରେସ ପ୍ରାର୍ଥୀ ବିପେନ୍ଦ୍ର ସିଂହ ଜାଡେଜାଙ୍କୁ ଭୋଟ୍‌ ଦେବାକୁ ସେ ଅପିଲ୍‌ କିରଛନ୍ତି ।