ଏଇଠି ହୁଏ କୁକୁର ଦୌଡ ପ୍ରତିଯୋଗିତା, ବିଜେତାଙ୍କୁ ମିଳେ ହଜାର ହଜାର ଟଙ୍କା

ହାଇଦ୍ରାବାଦ: ବିଭିନ୍ନ କ୍ରୀଡାରେ ଦୌଡ ପ୍ରତିଯୋଗିତା ହୋଇଥାଏ । ଖେଳାଳି ମାନଙ୍କ ମଧ୍ୟରେ ଦୌଡ ପ୍ରତିଯୋଗିତା ହୁଏ । ହେଲେ କେବେ ଜାଣିଛନ୍ତି କି କୁକୁରମାନଙ୍କ ମଧ୍ୟରେ ମଧ୍ୟ ଦୌଡ ପ୍ରତିଯୋଗିତା ହୋଇଥାଏ । ତେଲେଙ୍ଗାନାର ଗଡୱାଲା ଜିଲ୍ଲା ଜୋଗୁଲାମ୍ବାରେ କୁକୁରଙ୍କ ମଧ୍ୟରେ ଏକ ଦୌଡ ପ୍ରତିଯୋଗିତା ହୋଇଛି । ଭଭାନିମାତା ଉତ୍ସବ ଅବସରରେ ଏହି କୁକୁର ଦୌଡ ପ୍ରତିଯୋଗିତା ହୋଇଛି । ଏହି ଦୌଡ ପ୍ରତିଯୋଗିତାରେ ଆନ୍ଧ୍ରପ୍ରଦେଶ ଓ କର୍ଣ୍ଣାଟକର କୁକୁର ଭାଗ ନେଇଛନ୍ତି । ଗୋଟିଏ କିଲୋମିଟର ଯାଏ କୁକୁରମାନେ ଦୌଡିଛନ୍ତି । ପାଖାପାଖି 50ରୁ ଅଧିକ କୁକୁର ଏହି ପ୍ରତିଯୋଗିତାରେ ଭାଗ ନେଇଛନ୍ତି । ଆନ୍ଧ୍ରପ୍ରଦେଶର ଜେସି ବାଇ ପ୍ରଥମ ଓ କର୍ଣ୍ଣାଟକର ଦେବା ରାଜୁଲାବାନ୍ଦା ଦ୍ବିତୀୟ ଓ ରାନୀ ରାଇଚୁର ତୃତୀୟ ସ୍ଥାନ ଅଧିକାର କରିଛନ୍ତି । ଦୌଡରେ ସମସ୍ତ ତିନି କୁକୁରଙ୍କୁ ଯଥାକ୍ରମେ 18 ହଜାର, 16 ହଜାର ଓ 14 ହଜାର ପୁରସ୍କାର ରାଶି ପ୍ରଦାନ କରାଯାଇଛି । ଏହି ପ୍ରତିଯୋଗିତା ଦେଖିବାକୁ ପ୍ରବଳ ଜନସମାଗମ ହୋଇଥିଲା ।