ସାଇକେଲରେ ନାଇଟ୍ ପାଟ୍ରୋଲିଂ କରୁଛନ୍ତି ମହିଳା ଆଇପିଏସ, ମୁଖ୍ୟମନ୍ତ୍ରୀ କଲେ ପ୍ରଶଂସା

ଚେନ୍ନାଇ: ସାଇକେଲରେ ମହିଳା ଆଇପିଏସ ଅଫିସରଙ୍କ ନାଇଟ୍ ପାଟ୍ରୋଲିଂ । ମଧ୍ୟରାତ୍ରି ସାଢେ ୨ଟାରେ ସାଇକେଲ ଧରି ପାଟ୍ରୋଲିଂରେ ବାହାରୁଛନ୍ତି ଆଇପିଏସ ଅଫିସର । ଏହି ଅଫିସର ଜଣକ ହେଉଛନ୍ତି ରମ୍ୟା ଭାରତୀ । ସେ ଚେନ୍ନାଇ ପୋଲିସର ଯୁଗ୍ମ କମିଶନର ଭାବେ କାର୍ଯ୍ୟ କରୁଛନ୍ତି । ରମ୍ୟା ଭାରତୀ ଏହିପରି ଭାବେ ଗତ କିଛି ଦିନ ହେବ ଉତ୍ତର ଚେନ୍ନାଇ ଅଞ୍ଚଳରେ ରାତି ସାଢେ ୨ଟାରୁ ସକାଳ ଯାଏଁ ସାଇକେଲରେ ପଇଁତରା ମାରୁଛନ୍ତି । ପ୍ରାୟ ୯ କିଲୋମିଟର ସାଇକେଲରେ ବୁଲି ବୁଲି ସୁରକ୍ଷା ଯାଞ୍ଚ କରୁଛନ୍ତି ଏହି ମହିଳା ଆଇପିଏସ । ଯାହାକୁ ନେଇ ରମ୍ୟା ଭାରତୀଙ୍କୁ ଭୁରି ଭୁରି ପ୍ରଶଂସା କରିଛନ୍ତି ମୁଖ୍ୟମନ୍ତ୍ରୀ ଏମ କେ ଷ୍ଟାଲିନ ।