କ୍ରମାଗତ ଭାବରେ ବଢି ଚାଲିଛି କୋରୋନା ସଂକ୍ରମଣ । ଏହାର ବିସ୍ତାରକୁ ରୋକିବାକୁ ସମସ୍ତ ଦେଶ ଚେଷ୍ଟା ଚଳାଉଥିବା ବେଳେ ଏବେ ଜର୍ମାନ ବୈଜ୍ଞାନିକଙ୍କ ଏକ ଟିମ ଦାବି କରିଛି ଯେ Sars-Cov-2 ଭୂତାଣୁ ବାରମ୍ବାର ମାଉଥ୍ ୱାସ ବ୍ୟବାହର କରିଥିବା ଦ୍ବାରା ସଂକ୍ରମଣକୁ ରୋକା ଯାଇ ପାରିବ ।
ଏକ ଅଧ୍ୟୟନରୁ ଏହା ଜଣାପଡିଛି ଯେ, କୋଭିଡ-19 ରୋଗୀଙ୍କ ପାଟିରେ ଏବଂ ଗଳାରେ ଉଚ୍ଚ ଭାଇରାଲ୍ ଭାର ଚିହ୍ନଟ ହୋଇପାରେ । ଅନୁସନ୍ଧାନକାରୀମାନେ କହିଛନ୍ତି ଯେ ସାର୍ସ-କୋଭ-୨ ବିରୁଦ୍ଧରେ ବାରମ୍ବାର ପାଟି ଧୋଇବା ଦ୍ୱାରା ଭାଇରାଲ ଭାର ହ୍ରାସ ହୋଇପାରେ । ଏବଂ ସ୍ୱଳ୍ପ ସମୟ ମଧ୍ୟରେ କୋରୋନା ଭାଇରସ ସଂକ୍ରମଣ ହେବାର ଆଶଙ୍କା ରହିପାରେ ।
ରୁହରର ଅଧ୍ୟୟନ ଗବେଷକ ଧୋନି ମିଷ୍ଟର କହିଛନ୍ତି, “ମୁହଁ ଧୋଇବା ଦ୍ୱାରା କୋଷ ଗୁଡ଼ିକରେ ଭାଇରସ୍ ଉତ୍ପାଦନକୁ ରୋକାଯାଇ ପାରିବ ନାହିଁ । କିନ୍ତୁ ସ୍ୱଳ୍ପ ସମୟ ମଧ୍ୟରେ ସଂକ୍ରମଣର ସବୁଠାରୁ ବଡ଼ ସମ୍ଭାବନା ଅର୍ଥାତ୍ ପାଟିରେ ଏବଂ ଗଳାରେ ଭାଇରାଲ୍ ମାତ୍ର ହ୍ରାସ ପାଇପାରେ । ତେବେ ଏହି ଅନୁସନ୍ଧାନ ପାଇଁ, ଅନୁସନ୍ଧାନକାରୀମାନେ ଜର୍ମାନୀର ଫାର୍ମାସି କିମ୍ବା ଔଷଧ ଦୋକାନରେ ଉପଲବ୍ଧ ଆଠ ପ୍ରକାରର ମାଉଥ ୱାସ୍ କୁ ବିଭିନ୍ନ ଉପାଦାନ ସହିତ ପରୀକ୍ଷା କରିଥିଲେ ।
ସେମାନେ ପ୍ରତ୍ୟେକ ମାଉଥ୍ ୱାସକୁ ଭୂତାଣୁ କଣିକା ଏବଂ ଏକ ବାଧାକାରୀ ପଦାର୍ଥ ସହିତ ମିଶ୍ରଣ କରିଥିଲେ । ଯାହା ପାଟିରେ ଲାଳର ପ୍ରଭାବ ସୃଷ୍ଟି କରିବାକୁ ଉଦ୍ଦିଷ୍ଟ ଥିଲା । ଗାର୍ଗଲିଙ୍ଗର ପ୍ରଭାବକୁ ଅନୁକରଣ କରିବା ପାଇଁ ଏହି ମିଶ୍ରଣକୁ 30 ସେକେଣ୍ଡ ପର୍ଯ୍ୟନ୍ତ ପାଟିରେ ରଖିଥିଲେ ।
ଅନୁସନ୍ଧାନକାରୀମାନେ ପରେ ଭେରୋ E6 କୋଷଗୁଡିକ ବ୍ୟବହାର କରିଥିଲେ । ଯାହାକି ସାରସ୍-କୋଭ୍-୨ ପାଇଁ ବିଶେଷ ଭାବରେ ଗ୍ରହଣକାରୀ । ମାଉଥ୍ ୱାସର ଫଳପ୍ରଦତାକୁ ଆକଳନ କରିବା ପାଇଁ ବୈଜ୍ଞାନିକମାନେ ପାଟିରେ ଥିବା କୋଷ ବିଷୟରେ ଅନେକ ଚିକିତ୍ସା କରିଥିଲେ । ଏହାର କଲଚର୍ ବିଷୟରେ ପରୀକ୍ଷା ନୀରୀକ୍ଷା କରିଥିଲେ । ସମସ୍ତ ପରୀକ୍ଷିତ ପ୍ରସ୍ତୁତି ପ୍ରାରମ୍ଭିକ ଭୂତାଣୁ ହ୍ରାସ କରିଛି ବୋଲି ଅଧ୍ୟୟନରେ କୁହାଯାଇଛି ।
ଅନୁସନ୍ଧାନରୁ ଜଣାପଡିଛି ଯେ ତିନି ପ୍ରକାରର ପାଟି ଧୋଇବା ଏହାକୁ ଏତେ ମାତ୍ରାରେ ହ୍ରାସ କରିଥିଲା ଯେ 30 ସେକେଣ୍ଡର ଏକ୍ସପୋଜର ସମୟ ପରେ କୌଣସି ଭୂତାଣୁ ଚିହ୍ନଟ ହୋଇପାରିବ ନାହିଁ । ତଥାପି, ଲେଖକମାନେ ମତ ରଖିଥିଲେ ଯେ କୋଭିଡ୍ -19 ର ଚିକିତ୍ସା ପାଇଁ ପାଟି ଧୋଇବା ଉପଯୁକ୍ତ ନୁହେଁ କିନ୍ତୁ ସ୍ୱଳ୍ପ ସମୟ ମଧ୍ୟରେ ଭାଇରାଲ୍ ମାତ୍ରା ହ୍ରାସ କରିପାରେ, ଯେଉଁଠାରେ ସଂକ୍ରମଣର ସବୁଠାରୁ ବଡ ସମ୍ଭାବନା ଆସିଥାଏ ।
ବ୍ୟୁରୋ ରିପୋର୍ଟ, ଇଟିଭି ଭାରତ
