ହାଇଦ୍ରାବାଦ: ଯେତେବେଳେ କାହାକୁ ଜ୍ୱର, ମୁଣ୍ଡବିନ୍ଧା ବା ଶରୀରରେ ଯନ୍ତ୍ରଣା ଅନୁଭବ ହୋଇଥାଏ । ଏହି ସମୟରେ ଉପଶମ ପାଇଁ ଆମେ ପ୍ରାୟତଃ କ୍ରୋସିନ୍, ପାରାସିଟାମଲ୍, ଡୋଲୋ, ସୁମୋ, କେଲପୋଲ୍ ଔଷଧ ବ୍ୟବହାର କରୁ । କିନ୍ତୁ ଏହି ଔଷଧର ଅତ୍ୟଧିକ ବ୍ୟବହାର ଶରୀର ପାଇଁ ସମସ୍ୟା ବି ଆଣିପାରେ । ଅନୁସନ୍ଧାନ ଅନୁଯାୟୀ, ଗର୍ଭାବସ୍ଥାରେ ପାରାସିଟାମୋଲ ବ୍ୟବହାର ଶିଶୁର ସ୍ୱାସ୍ଥ୍ୟ ପାଇଁ କ୍ଷତିକାରକ ହୋଇପାରେ । ଗର୍ଭବତୀମାନେ ପାରାସିଟାମୋଲ ଗ୍ରହଣ କରିବା ଉଚିତ୍ ନୁହେଁ । ଗର୍ଭାବସ୍ଥାରେ ପାରାସିଟାମୋଲ ଗ୍ରହଣ କରିବା ପେଟରେ ଗର୍ଭସ୍ଥ ଶିଶୁର ବିକାଶରେ ଅସ୍ୱାଭାବିକତା ସୃଷ୍ଟି କରିପାରେ ।
ଏକ ରିପୋର୍ଟ ଅନୁଯାୟୀ, ପାରାସିଟୋମୋଲର ବ୍ୟବାହାର ହେତୁ ଏହା ଶିଶୁର ବିକାଶ ଉପରେ ସିଧାସଳଖ ପ୍ରଭାବ ପକାଇଥାଏ । ଏହାର ପ୍ରଭାବରେ ଶିଶୁର ମସ୍ତିଷ୍କ ସମ୍ବନ୍ଧୀୟ ନ୍ୟୁରୋ ଡେଭେଲପମେଣ୍ଟ, ପ୍ରଜନନ ଏବଂ ୟୁରୋଲୋଜିକାଲ୍ ଡିସଅର୍ଡର ସୃଷ୍ଟି ହୋଇପାରେ । ଅନୁସନ୍ଧାନରେ ଏହା କୁହାଯାଇଛି ଯେ ଗର୍ଭବତୀମାନେ ଗର୍ଭଧାରଣ ଆରମ୍ଭରେ ସତର୍କ ହେବା ଉଚିତ୍ । ଏହି ସମୟରେ ପାରାସିଟାମୋଲ ବ୍ୟବହାର କରିବା ବନ୍ଦ କରିବା ଉଚିତ୍। ଡାକ୍ତରଙ୍କ ବିନା ପରାମର୍ଶରେ ପାରାସିଟାମୋଲ ବ୍ୟବହାର କରନ୍ତୁ ନାହିଁ । ଏହାର ଆବଶ୍ୟକ ହେଲେ ମଧ୍ୟ ଏହାକୁ ସୀମିତ ପରିମାଣରେ ଖାଇବା ଉଚିତ୍ ।
ଅଧ୍ୟୟନରେ ଅନେକ ଗବେଷଣାକୁ ଦର୍ଶାଇ ଏହା କୁହାଯାଇଛି ଯେ ଗର୍ଭାବସ୍ଥାରେ ପାରାସିଟାମୋଲ ବ୍ୟବହାର କରିବା ଦ୍ୱାରା ପିଲାମାନଙ୍କଠାରେ ସ୍ନାୟୁଗତ ରୋଗ ହୋଇଥାଏ । ଏହି ଅନୁସନ୍ଧାନ ପୂର୍ବରୁ ଅଟିଜିମ୍, ବାଳିକାମାନଙ୍କରେ ଭାଷା ସମସ୍ୟା ଏବଂ IQ ହ୍ରାସ ହୋଇଥାଏ । ରିପୋର୍ଟ ଅନୁଯାୟୀ, ଗର୍ଭାବସ୍ଥାରେ ଅଧିକ ପାରାସିଟାମୋଲ ବ୍ୟବହାର ଆପଣଙ୍କ ଗର୍ଭସ୍ଥ ଶିଶୁ ପାଇଁ ଅନେକ ସମସ୍ୟା ସୃଷ୍ଟି କରିପାରେ । ଏହାଦ୍ବାରା ଶିଶୁର ଟେନସନ ଡେଫିସିଟି ହାଇପରାକ୍ଟିଭିଟି ଡିସଅର୍ଡର ହୋଇପାରେ । ପାରାସିଟାମୋଲର ପାର୍ଶ୍ୱ ପ୍ରତିକ୍ରିୟାକୁ ଦେଖି ଗବେଷକମାନେ ମହିଳାମାନଙ୍କୁ ଚେତାବନୀ ଦେଇଛନ୍ତି ଯେ, ଯେଉଁମାନେ ମାଆ ହେବାକୁ ଯାଉଛନ୍ତି, କେବଳ ଜଟିଳ ପରିସ୍ଥିତିରେ ଡାକ୍ତରଙ୍କ ପରାମର୍ଶରେ ଏହା ବ୍ୟବହାର କରନ୍ତୁ।
ଏହା ମଧ୍ୟ ପଢନ୍ତୁ: ଗର୍ଭବତୀ ମହିଳାମାନେ ଆମ୍ବ ଖାଇପାରିବେ କି ? କଣ କହୁଛନ୍ତି ଏକ୍ସପର୍ଟ
ରିପୋର୍ଟ ଅନୁଯାୟୀ, ମଣିଷ ଏବଂ ପଶୁମାନଙ୍କ ଉପରେ ପାରାସିଟାମୋଲର ପ୍ରଭାବ ନେଇ ୟୁନିଭର୍ସିଟି ଅଫ୍ କୋପେନହେଗେନର ଡକ୍ଟର କେଭିନ୍ କ୍ରିଷ୍ଟେନସେନଙ୍କ ନେତୃତ୍ୱରେ ଏହି ଅଧ୍ୟୟନ କରାଯାଇଛି । ଏଥିରେ, 1995ରୁ 2020 ପର୍ଯ୍ୟନ୍ତ ତଥ୍ୟ ଉପରେ ଆଧାର କରି ଏହା ତଥ୍ୟ ମିଳିଥିଲା ଯେ ଗର୍ଭାବସ୍ଥାରେ ପାରାସିଟାମୋଲର ବ୍ୟବହାର ପିଲାମାନଙ୍କର ମାନସିକ ଦକ୍ଷତା ଉପରେ ପ୍ରଭାବ ପକାଇଥାଏ ଏବଂ ସେମାନଙ୍କର ଶିକ୍ଷିବା କ୍ଷମତା ଉପରେ ପ୍ରଭାବ ପକାଇଥାଏ । ଅନୁସନ୍ଧାନରୁ ଏହା ମଧ୍ୟ ଜଣାପଡ଼ିଛି ଯେ ପାରାସିଟାମୋଲର ବ୍ୟବହାର ଶିଶୁର ପ୍ରଜନନ ଏବଂ ୟୁରୋଜେନିଟାଲ୍ ଡିସଅର୍ଡର ସୃଷ୍ଟି କରିପାରେ । କେତେକ କ୍ଷେତ୍ରରେ, ଟେଷ୍ଟିକୁଲାର କର୍କଟ ହେବାର ଆଶଙ୍କା ମଧ୍ୟ ଥାଏ ।
(Disclaimer: ଉପରିସ୍ଥ ସମସ୍ତ ବିବରଣୀ କେବଳ ସାଧାରଣ ସୂଚନା ଉପରେ ଆଧାରିତ । କୌଣସି ସ୍ବାସ୍ଥ୍ୟ ସମସ୍ୟା ପାଇଁ ଖାଦ୍ୟ କିମ୍ବା ସପ୍ଲିମେଣ୍ଟ ଗ୍ରହଣ କରିବା ପୂର୍ବରୁ ଡାକ୍ତରଙ୍କ ପରାମର୍ଶ ଗ୍ରହଣ କରନ୍ତୁ)।
