ହାଇଦ୍ରାବାଦ: ୟୁରିକ୍ ଏସିଡ୍ ହେଉଛି ଏକ ପ୍ରକାର ବର୍ଜ୍ୟବସ୍ତୁ, ଯାହା ଖାଦ୍ୟ ହଜମ ସମୟରେ ଶରୀରରୁ ନିଷ୍କାସିତ ହୋଇଥାଏ । ବେଳେ ବେଳେ ଏହା ଆମ ଶରୀରରୁ ୟୁରିନ୍ ଜରିଆରେ ବାହାରିଯାଏ । ଯେତେବେଳେ ଏକ ପ୍ରକାରର କେମିକାଲ୍ ପ୍ୟୁରିନ୍ ଗଠନ ହୋଇ ଭାଙ୍ଗିଯାଏ, ସେତେବେଳେ ଅତ୍ୟଧିକ ପ୍ୟୁରିନ୍ ୟୁରିକ୍ ଏସିଡ୍ ନିଷ୍କାସନରେ ବାଧା ସୃଷ୍ଟି କରନ୍ତି । ଫଳରେ ସ୍ୱାସ୍ଥ୍ୟ ସମସ୍ୟା ସୃଷ୍ଟି ହୋଇଥାଏ । ୟୁରିକ୍ ଏସିଡ୍ ବିଲ୍ଡ-ଅପ୍ ସାଧାରଣତ ରକ୍ତ ପ୍ରବାହକୁ ପ୍ରଭାବିତ କରିଥାଏ, ଯାହା ହାଇପର୍ୟୁରିକେମିଆ(Hyperuricemia) ନାମକ ଏକ ରୋଗର କାରଣ ହୋଇଥାଏ ।
ମହିଳାମାନଙ୍କ ଠାରେ ସାଧାରଣ ୟୁରିକ୍ ଏସିଡ୍ ସ୍ତର 2.4-6.0 ମିଲିଗ୍ରାମ/ଡେସିଲିଟର ଏବଂ ପୁରୁଷଙ୍କର 3.4-7.0 ମିଲିଗ୍ରାମ/ଡେସିଲିଟର ରହିଥାଏ, ଯଦି ୟୁରିକ୍ ଏସିଡ୍ ସ୍ତର 7 mg/dlରୁ ଅଧିକ ହୁଏ ତେବେ ସମସ୍ୟା ଉପୁଜିପାରେ । ହାଇପର୍ୟୁରିକେମିଆରେ ଗଣ୍ଠି ଯନ୍ତ୍ରଣା, ଜଏଣ୍ଟ୍ ପେନ୍, କିଡନୀ ଷ୍ଟୋନ୍ ଇତ୍ୟାଦି ଅସୁବିଧା ସୃଷ୍ଟି କରେ । ଏହା ବିଷାକ୍ତ ପଦାର୍ଥକୁ ରକ୍ତ ପ୍ରବାହରେ ମିଶାଇ ଶରୀରରେ ସଂଗ୍ରହ କରିବାର ସମ୍ଭାବନାକୁ ମଧ୍ୟ ବଢାଇଥାଏ, ଯାହା ଗମ୍ଭୀର ସମସ୍ୟାର କାରଣ ହୋଇଥାଏ । ଅଧ୍ୟୟନରୁ ଜଣାପଡିଛି ଯେ, ଉଚ୍ଚ ୟୁରିକ୍ ଏସିଡ୍ ସ୍ଥାୟୀ ହାଡ ସମସ୍ୟା, ଗଣ୍ଠି କିମ୍ବା ଟିସୁ କ୍ଷୟ କରିପାରେ, ଆର୍ଥ୍ରାଇଟିସ୍ ମଧ୍ୟ ହୋଇପାରେ । ଏହା ଟାଇପ୍-୨ ମଧୁମେହ ଏବଂ ହୃଦରୋଗର ଅଧିକ ବିପଦ ସହିତ ଜଡିତ ।
ଉଚ୍ଚ ୟୁରିକ୍ ଏସିଡ୍ ସ୍ତରର ଫଳାଫଳ:-
ଶରୀରରେ ସାଧାରଣ ୟୁରିକ୍ ଏସିଡ୍ ସ୍ତର ଠାରୁ ଅଧିକ ସୃଷ୍ଟି ହୁଏ ଯେତେବେଳେ ଆପଣ କିଛି ଖାଦ୍ୟ ଖାଇଥା’ନ୍ତି ଯେଉଁଥିରେ ପ୍ୟୁରିନ୍ ଥାଏ । ଏଠାରେ କେତେକ ଖାଦ୍ୟ ଏବଂ ପାନୀୟ ବାବଦରେ ଆଲୋଚନା କରାଯାଇଛି, ଯେଉଁଥିରେ ଅଧିକ ପ୍ୟୁରିନ୍ ଥାଏ...
- ଲାଲ୍ ମାଂସ
- ପଶୁ ଅଙ୍ଗର ମାଂସ
- ମଦ୍ୟପାନ
- ସମୁଦ୍ର ଖାଦ୍ୟ
- ଅଧିକ ଫ୍ରୁଟକୋଜ୍ ଥିବା ଖାଦ୍ୟ
- କେତେକ ଆଲକହଲ୍ ବିହୀନ ବିୟର୍
- ଆସପରାଗସ୍(Asparagus), ପାଳଙ୍ଗ(spinach), ବିନ୍ସ, ମଟରଛୁଇଁ, ମଟର, ମସୁର ଡାଲି, ଓଟ୍ସମିଲ୍, ଫୁଲକୋବି ଏବଂ ଛତୁ
କାରଣ(High uric acid levels Cause):-
ଏହା ବ୍ୟତୀତ କେତେକ ସ୍ବାସ୍ଥ୍ୟ ଅବସ୍ଥା ଏବଂ ଜୀବନଶୈଳୀରେ ପରିବର୍ତ୍ତନ କାରଣରୁ ୟୁରିକ୍ ଏସିଡ୍ ଶରୀରରେ ଜମା କରିପାରେ, ସେଗୁଡିକ ନିମ୍ନରେ ବର୍ଣ୍ଣନା କରାଯାଇଛି
- ଜେନେଟିକ୍ ଫ୍ୟାକ୍ଟର୍
- ମେଦବହୁଳତା
- ମଧୁମେହ
- କ୍ରୋନିକ୍ କିଡନୀ ରୋଗ
- କେମୋଥେରାପି/କର୍କଟ ରୋଗର କିଛି ପ୍ରକାର
- ଚାପ ସ୍ତର ବୃଦ୍ଧି-ସୋରିୟାସିସ୍
ଉଚ୍ଚ ୟୁରିକ୍ ଏସିଡ୍ ସ୍ଥିତି/ହାଇପର୍ୟୁରିକେମିଆର ଲକ୍ଷଣ ଗୁଡ଼ିକ କ’ଣ(High uric acid levels Symptoms) ?
ଶରୀରରେ ଆବଶ୍ୟକଠାରୁ ୟୁରିକ୍ ଏସିଡ୍ ସ୍ତର ଅଧିକ କେବଳ ଅନେକ ରୋଗର କାରଣ ହୋଇନଥାଏ, ଏହା ଦୈନନ୍ଦିନ କାର୍ଯ୍ୟରେ ମଧ୍ୟ ସମସ୍ୟା ସୃଷ୍ଟି କରିପାରେ । ନିମ୍ନରେ କେତେକ ଲକ୍ଷଣ ବାବଦରେ ବର୍ଣ୍ଣନା କରାଯାଇଛି...
- ଅତ୍ୟଧିକ ଗଣ୍ଠି ଯନ୍ତ୍ରଣା, ମାଂସପେଶୀରେ ବାରମ୍ବାର ଯନ୍ତ୍ରଣା
- କଠିନତା
- ଗଣ୍ଠି ଚାରିପାଖରେ ଝାଳ ବୋହିବା ଏବଂ ଲାଲ ରଙ୍ଗ ଦାଗ ପଡିଯିବା
- ପରିସ୍ରାରେ ରକ୍ତ ପଡିବା
- ପରିସ୍ରା ସମୟରେ ଅସୁବିଧା ଅନୁଭବ କରିବା
- ବାରମ୍ବାର ମୂତ୍ରନଳୀ ସଂକ୍ରମଣ (Urinary tract infections, UTI)
ଅତିରିକ୍ତ ସ୍ବାସ୍ଥ୍ୟ ସମସ୍ୟା ଏବଂ ପାର୍ଶ୍ୱ ପ୍ରତିକ୍ରିୟା ଯେପରିକି ଗଣ୍ଠି, ଆର୍ଥ୍ରାଇଟିସ୍, କିଡନୀ ଷ୍ଟୋନ୍ ଏବଂ ପ୍ରଦାହ ଦ୍ୱାରା ପ୍ରଭାବିତ ବ୍ୟକ୍ତିମାନେ ମଧ୍ୟ ଅତିରିକ୍ତ ଲକ୍ଷଣ ଅନୁଭବ କରିପାରନ୍ତି । କେତେକ ଲୋକ ଶରୀରରେ ଅଧିକ ୟୁରିକ୍ ଏସିଡ୍ ସ୍ତର ରହିଥାଏ କିନ୍ତୁ ସାଧାରଣତଃ ଲକ୍ଷଣ ଦେଖାଯାଏ ନାହିଁ ।
