ହାଇଦ୍ରାବାଦ: ଶରୀରରେ ୟୁରିକ୍ ଏସିଡ୍(Uric Acid) ବୃଦ୍ଧି ଜନିତ ସମସ୍ୟା ଅନେକ ଲୋକ ଭୋଗିଥାନ୍ତି । ଏହା ଏକ ଜୀବନଶୈଳୀ ପରିବର୍ତ୍ତନ ସହ ଅନ୍ୟାନ୍ୟ ରୋଗର ପାର୍ଶ୍ବ ପ୍ରତିକ୍ରିୟାର କାରଣ ହୋଇଥାଏ । ଏହିକାରଣରୁ ହାଡ, ଗଣ୍ଠି ଏବଂ ଜଏଣ୍ଟରେ ଯନ୍ତ୍ରଣା ହୋଇଥାଏ । ସଠିକ୍ ସମୟରେ ଚିକିତ୍ସା କରାନଗଲେ ଏହା ବିପଦର କାରଣ ମଧ୍ୟ ହୋଇପାରେ । ତେବେ କିପରି ଏହି ସମସ୍ୟାରେ ମୁକ୍ତି ପାଇବେ ଜାଣନ୍ତୁ...
ଔଷଧ ଏବଂ ଥେରାପି ସାହାଯ୍ୟରେ ଗଣ୍ଠି ଏବଂ କିଡନୀ ଷ୍ଟୋନ୍ ପରି ପାର୍ଶ୍ୱ ପ୍ରତିକ୍ରିୟାଗୁଡ଼ିକୁ ପରିଚାଳନା କରାଯାଏ । ଏହା ବ୍ୟତୀତ ଶରୀରରେ ୟୁରିକ୍ ଏସିଡ୍ ସ୍ତରକୁ ପରିଚାଳନା ଏବଂ ନିୟନ୍ତ୍ରଣ କରିବା ପାଇଁ ପ୍ରାକୃତିକ, ଔଷଧମୁକ୍ତ ଉପାୟ ଅଛି, ନିମ୍ନରେ ସେ' ବାବଦରେ ବର୍ଣ୍ଣନା କରାଯାଇଛି...
ଏହା ମଧ୍ୟ ପଢନ୍ତୁ:- High Uric acid levels: ଶରୀରରେ ୟୁରିକ୍ ଏସିଡ୍ ସ୍ତର ବୃଦ୍ଧି କାହିଁକି ବିପଦପୂର୍ଣ୍ଣ, ଜାଣନ୍ତୁ
1. ଓଜନ ହ୍ରାସ:- ଅଧିକ ଓଜନ ଶରୀରରେ ପ୍ରଦାହର ସ୍ତରକୁ ବଢାଇଥାଏ ଏବଂ ୟୁରିକ୍ ଏସିଡ୍ ଗଠନ ଉପରେ ମଧ୍ୟ ପ୍ରଭାବ ପକାଇଥାଏ । ଅଧ୍ୟୟନରୁ ଜଣାପଡିଛି ଯେ, ଫ୍ୟାଟ୍ କୋଷ ଗୁଡ଼ିକ ଶରୀରରେ ୟୁରିକ୍ ଏସିଡ୍ ବୃଦ୍ଧି କରିପାରନ୍ତି । ଅତିରିକ୍ତ ଓଜନ ମଧ୍ୟ କିଡନୀ କାର୍ଯ୍ୟରେ ପ୍ରଭାବ ପକାଇବା ସହ ଶରୀରରୁ ବିଷାକ୍ତ ପଦାର୍ଥ ନିଷ୍କାସନ କରିବାରେ ବାଧା ସୃଷ୍ଟି କରିଥାଏ । ତେଣୁ ଔଷଧ ପରିବର୍ତ୍ତେ ପ୍ରଥମେ ଶରୀରର ଓଜନକୁ ନିୟନ୍ତ୍ରଣ ରଖିବା ଆବଶ୍ୟକ ।
2. ଡାଏଟ୍ ନିୟନ୍ତ୍ରଣ ଏବଂ ପରିବର୍ତ୍ତନ:- ୟୁରିକ୍ ଏସିଡ୍ ସ୍ତରକୁ ରୋକିବା କିମ୍ବା କମାଇବା ପାଇଁ ସର୍ବୋତ୍ତମ ଉପାୟ ହେଉଛି ଖାଦ୍ୟରେ କମ୍ ପ୍ୟୁରିନ୍ ଯୁକ୍ତ ଖାଦ୍ୟ ଖାଇବା । କେତେକ ପ୍ରୋଟିନ୍ ଯୁକ୍ତ ଖାଦ୍ୟ ଏବଂ ଖାଦ୍ୟ ମଧ୍ୟ ବିପଦକୁ ବଢାଇପାରେ । ମଦ୍ୟପାନ ସ୍ତର ମଧ୍ୟ ପ୍ରଭାବ ପକାଇପାରେ । ଏହା ସହିତ ମିଠା ଦ୍ରବ୍ୟ ଶରୀରରେ ଏସିଡ୍ ଉତ୍ପାଦନକୁ ମଧ୍ୟ ବଢାଇପାରେ । ତେଣୁ ମିଠା ଗ୍ରହଣକୁ କମ୍ କରିବା ସହ କମ୍ କାର୍ବ ଆଇଟମ୍ ଥିବା ଖାଦ୍ୟ ଖାଆନ୍ତୁ ଏବଂ ଖାଦ୍ୟରେ ଅଧିକ ଫାଇବର ଯୋଗ କରନ୍ତୁ ।
3. ଅଧିକ ପାଣି ପିଅନ୍ତୁ:- ପ୍ରଚୁର ପରିମାଣରେ ପାଣି ପିଇବା ଦ୍ବାରା ଅନେକ ରୋଗ ପାଖ ମାଡିନଥାଏ । ଏହି କାରଣରୁ ହାଇଡ୍ରେଟ୍ ରହିବା ଅର୍ଥାତ୍ ଶରୀରରେ ପର୍ଯ୍ୟାପ୍ତ ପରିମାଣରେ ଆଦ୍ରତା ରହିଲେ ବିଷାକ୍ତ ପଦାର୍ଥ ନିଷ୍କାସନ ସହଜ ହୋଇଥାଏ । ଦିନସାରା ତରଳ ପଦାର୍ଥ ପିଇବା ଏବଂ ହାଇଡ୍ରେଟିଂ ତରଳ ପଦାର୍ଥ କିଡନୀରୁ ବର୍ଜ୍ୟବସ୍ତୁକୁ ଶୀଘ୍ର ଫିଲ୍ଟର୍ କରିବାରେ ସାହାଯ୍ୟ କରେ, ଜମାଟ ବାନ୍ଧିବାକୁ ମଧ୍ୟ ଦିଏ ନାହିଁ ଏବଂ ବିଷାକ୍ତ ପଦାର୍ଥକୁ ବାହାର କରିଦେଇଥାଏ ।
4. ଇନସୁଲିନ୍ ପରିଚାଳନା:- କେବଳ ଉଚ୍ଚ ୟୁରିକ୍ ଏସିଡ୍ ଏକାଗ୍ରତା ମଧୁମେହ ବିପଦକୁ ବଢାଏ ନାହିଁ, ପରିଚାଳନା ହୋଇନଥିବା ଇନସୁଲିନ୍ ସ୍ତର ମଧ୍ୟ ୟୁରିକ୍ ଏସିଡ୍ ଜମା କରିପାରେ । ଏହି କାରଣରୁ ଅନ୍ୟାନ୍ୟ ସ୍ୱାସ୍ଥ୍ୟ ସୃଷ୍ଟି ହୋଇଥାଏ । ଯେଉଁମାନଙ୍କର ପ୍ରେଡିଏବିଟସ୍ ଏବଂ ଅଧିକ ଇନସୁଲିନ୍ ପ୍ରତିରୋଧ ଥାଏ, ସେମାନେ ଅଧିକ ବିପଦର ସମ୍ମୁଖୀନ ହୁଅନ୍ତି । ଏଥିପାଇଁ ବାରମ୍ବାର, ନିୟମିତ ଯାଞ୍ଚ କରାନ୍ତୁ ଏବଂ ବ୍ୟାୟାମ ସହିତ ଖାଦ୍ୟପେୟ ନିୟନ୍ତ୍ରଣ ଅଭ୍ୟାସ କରନ୍ତୁ ।
5. ଚାପ ସ୍ତରକୁ ହ୍ରାସ କରିବା:- ଚାପକୁ ପରିଚାଳନା କରିବା ଦ୍ବାରା ଶରୀର ସୁସ୍ଥ ଏବଂ ସଂକ୍ରମଣ ବିପଦରୁ ଦୂର ହେବାର ସର୍ବୋତ୍ତମ ଉପାୟ ହୋଇପାରେ । ଉଚ୍ଚ ଚାପ, ଖରାପ ଶୋଇବା ଅଭ୍ୟାସ, ଚିନ୍ତା ଏବଂ ନର୍ଭ ଟ୍ରିଗର ଶରୀରରେ ପ୍ରଦାହର ସ୍ତରକୁ ବ ଢାଇପାରେ, ଯାହା ପରବର୍ତ୍ତୀ ସମୟରେ ଶରୀରରେ ୟୁରିକ୍ ଏସିଡ୍ ଜମା କରିଥାଏ । ତେଣୁ ଚାପକୁ ପ୍ରାକୃତିକ ଭାବରେ ପରିଚାଳନା ଏବଂ ହ୍ରାସ କରିବା ପାଇଁ, ଗଭୀର ନିଶ୍ୱାସ, ଧ୍ୟାନ, ଯୋଗ, ବ୍ୟାୟାମ ପରି କୌଶଳ ଅନୁସରଣ କରିବା ଉଚିତ୍ ।
