ହାଇଦ୍ରାବାଦ: କୁହାଯାଏ ଯଦି ପେଟ ଠିକ୍ ଅଛି, ତେବେ ସ୍ବାସ୍ଥ୍ୟ ଠିକ୍ ଅଛି । ଏହାର ଅର୍ଥ ଆମକୁ ସର୍ବଦା ପାକସ୍ଥଳୀ ସ୍ବାସ୍ଥ୍ୟ ଉପରେ ବିଶେଷ ଧ୍ୟାନ ରଖିବାର ଅଛି । କାରଣ ସାମାନ୍ୟ ଅବହେଳା କାରଣରୁ ଆମ ହଜମ ପ୍ରକ୍ରିୟା ବାଧାପ୍ରାପ୍ତ ହୁଏ, ଯାହା ପରେ ସ୍ବାସ୍ଥ୍ୟକୁ ବିଗାଡି ଦିଏ । ଜାଣନ୍ତି କି ? ଆମେ ଦୈନନ୍ଦିନ ଖାଉଥିବା ଅନେକ ଖାଦ୍ୟ ଅଛି, ଯାହା ହଜମରେ ବିଳମ୍ବ ହୁଏ । ତେବେ କେଉଁ ଖାଦ୍ୟ ସହଜରେ ହଜମ ହୋଇଯାଏ ଏବଂ କେଉଁ ଖାଦ୍ୟ ହୁଏନାହିଁ, ଜାଣନ୍ତୁ ।
ହଜମ ପାଇଁ ସର୍ବୋତ୍ତମ ଖାଦ୍ୟ: ଫରମେଣ୍ଟେଡ୍ ଖାଦ୍ୟ- ଦହି, କିମ୍ଚି(ପାରମ୍ପରିକ କୋରିଆନ୍ ଖାଦ୍ୟ), କମ୍ବୁଚା, ମିସୋ, ଏବଂ ଆଚାର ହୋଇଥିବା କାକୁଡି ସହିତ ପ୍ରୋବାୟୋଟିକ୍ ସମୃଦ୍ଧ ଖାଦ୍ୟ ହଜମ ପ୍ରକ୍ରିୟା ପାଇଁ ବହୁତ ଭଲ । ସେମାନେ ଅନ୍ତନଳୀରେ ଉପକାରୀ ବ୍ୟାକ୍ଟେରିଆର ସନ୍ତୁଳନକୁ ସପୋର୍ଟ କରନ୍ତି ଏବଂ ପାଥୋଜେନିକ୍ ମାଇକ୍ରୋଅର୍ଗାନ୍ସରୁ ପ୍ରତିରକ୍ଷା ପ୍ରଦାନ କରନ୍ତି, ହଜମ ପ୍ରକ୍ରିୟାରେ ଉନ୍ନତି କରନ୍ତି । ଏଥିସହ ପେଟ ଫୁଲିବା ଏବଂ ଗ୍ୟାଷ୍ଟିକ୍ ସମସ୍ୟାକୁ ହ୍ରାସ କରନ୍ତି ।
ଶସ୍ୟଜାତୀୟ ଖାଦ୍ୟ- ଗହମ, ଓଟ୍ସ, ବାର୍ଲି, ବକୱାଟ୍, ବ୍ରାଉନ୍ ଚାଉଳ ଏବଂ ପପକର୍ଣ୍ଣ ଭଳି ସମ୍ପୂର୍ଣ୍ଣ ଶସ୍ୟଜାତୀୟ ଖାଦ୍ୟ ପୁଷ୍ଟିକର ଏବଂ ଫାଇବରରେ ଭରପୂର । ଏଥିରେ ପୋଷକ ତତ୍ତ୍ୱ ଏବଂ ଫାଇବର ଥାଏ, ଏଗୁଡିକ ଷ୍ଟୁଲକୁ ବଲ୍କ୍ କରି କୋଷ୍ଠକାଠିନ୍ୟକୁ ରୋକିଥାନ୍ତି ।
ଫଳ- ହଜମ ପ୍ରକ୍ରିୟା ପାଇଁ ସର୍ବୋତ୍ତମ ଫଳ ହେଉଛି ଆପଲ୍, ନାସପାତି, କଦଳୀ, ରସବେରିଜ୍ ଏବଂ ଅମୃତଭଣ୍ଡା । ଏଥିରେ ଫାଇବର ଏବଂ ପୁଷ୍ଟିକର ଖାଦ୍ୟ ମଧ୍ୟ ଥାଏ । ସେମାନେ ଅନ୍ତନଳୀ ସ୍ବାସ୍ଥ୍ୟକୁ ପ୍ରୋତ୍ସାହିତ କରନ୍ତି ଏବଂ ପେଟରେ ଅସୁବିଧାକୁ ହ୍ରାସ କରନ୍ତି ।
ଚା- ଖାଇବା ପରେ କାମୋମାଇଲ, ପୁଦିନା, ଅଦା ଏବଂ ପାନମଧୁରୀ ମିଶା ଥିବା ଗରମ ଚା' ହଜମ ପ୍ରକ୍ରିୟାରେ ସାହାଯ୍ୟ କରିଥାଏ । ଏହି ଚା' ମଧ୍ୟ ପେଟ ଫୁଲା, ଗ୍ୟାସ୍, ବାନ୍ତି, ପେଟ ଯନ୍ତ୍ରଣା ଏବଂ ହୃଦଘାତ ସହିତ ପେଟର ମାଂସପେଶୀକୁ ଆରାମ ଦେଇଥାଏ ।
ହଜମ ପାଇଁ ଖରାପ ଖାଦ୍ୟ
ଭଜା ଖାଦ୍ୟ- ପକୋଡି, ନୁଡୁଲ୍ସ, ବର୍ଗର୍ ଏବଂ ଜଙ୍କ ଫୁଡ୍ ଭଳି ଖାଦ୍ୟରେ ଫାଇବର୍ କମ୍ ଥାଏ । ଏଗୁଡିକ ଡାଇରିଆ ଏବଂ କୋଷ୍ଠକାଠିନ୍ୟ କରାଇପାରନ୍ତି ।
କୃତ୍ରିମ ମିଠା- ଶର୍କରା ମିଶ୍ରଣରେ ପ୍ରସ୍ତୁତ ହେଉଥିବା ମିଠାଜାତୀୟ ଖାଦ୍ୟ ସ୍ବାସ୍ଥ୍ୟ ପ୍ରତି ହାନିକାରକ । ଏଗୁଡିକ ପେଟ ଫୁଲିବା ସମସ୍ୟା ସହ ହଜମ ପ୍ରକ୍ରିୟାରେ ବାଧା ସୃଷ୍ଟି କରନ୍ତି ।
ପ୍ରକ୍ରିୟାକୃତ ଖାଦ୍ୟ- ଏହି ପ୍ରକାର ଖାଦ୍ୟ ସ୍ବାସ୍ଥ୍ୟ ପାଇଁ ସବୁଠୁ ହାନିକାରକ । ଆଦୌ ହଜମ ହୋଇନଥାନ୍ତି । କେନଡ୍, ଫ୍ରିଜ୍ ଏବଂ ପ୍ୟାକେଜ୍ ଖାଦ୍ୟରେ ପୁଷ୍ଟିକର ଖାଦ୍ୟ ମଧ୍ୟ ନଥାଏ । ଏଥିରେ ଶର୍କରା ଅଧିକ ଥାଏ କିନ୍ତୁ ଫାଇବର୍ ନଥାଏ । ଫଳରେ ଏଗୁଡିକ ସ୍ବାସ୍ଥ୍ୟ ପାଇଁ ସବୁଠି ଅଧିକ ହାନିକାରକ ବୋଲି ସାବ୍ୟସ୍ତ ହୋଇଥାନ୍ତି ।
ମଦ୍ୟପାନ- ମଦ୍ୟପାନ ହଜମ ପ୍ରକ୍ରିୟାକୁ ବିଗାଡିପାରେ, ଏହାକୁ ମନ୍ଥର କରିପାରେ, ଏସିଡ୍ ସୃଷ୍ଟି ଉପରେ ପ୍ରଭାବ ପକାଇପାରେ ଏବଂ ପେଟରେ ମଧ୍ୟ ଅସ୍ୱାଭାବିକତା ସୃଷ୍ଟି କରିପାରେ ।
ଡାଲି: ଡାଲି ବେଳେବେଳେ ପେଟ ଯନ୍ତ୍ରଣା ସୃଷ୍ଟି କରେ । ଯେଉଁ ବ୍ୟକ୍ତିମାନଙ୍କର ଗ୍ୟାଷ୍ଟିକ୍ ସମସ୍ୟା ଥାଏ, ସେମାନେ ଡାଲି ଖାଇବା ଉଚିତ୍ ନୁହେଁ । କାରଣ ଡାଲି ମଧ୍ୟ ହଜମ ପ୍ରକ୍ରିୟାରେ ବିଳମ୍ବ ହୁଏ ।
Disclaimer: ଉପରିସ୍ଥ ସମସ୍ତ ବିବରଣୀ କେବଳ ସାଧାରଣ ସୂଚନା ଉପରେ ଆଧାରିତ । କୌଣସି ସ୍ବାସ୍ଥ୍ୟ ସମସ୍ୟା ପାଇଁ ଡାକ୍ତରଙ୍କ ପରାମର୍ଶ ଅତ୍ୟନ୍ତ ଆବଶ୍ୟକ ।
