ରାଉରକେଲା: ଉତ୍ତରପ୍ରଦେଶରେ ଜଣେ ଓକିଲଙ୍କୁ ଚାମ୍ବରରେ ପଶି ନିର୍ମମ ଭାବେ ହତ୍ୟା କରାଯାଇଛି । ଏହା ଘଟଣାରେ ସାରା ଦେଶରେ ଚାଞ୍ଚଲ୍ୟ ଖେଳାଇବା ସହ ଓକିଲଙ୍କ ସୁରକ୍ଷାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଥିଲା । ଏନେଇ ରାଉରକେଲା ଓକିଲ ସଂଘ ପକ୍ଷରୁ ବିକ୍ଷୋଭ ପ୍ରଦର୍ଶନ ହୋଇଛି । ଓକିଲଙ୍କ ସୁରକ୍ଷା ପାଇଁ ନୂଆ ଆଇନ ପାଇଁ ଦାବି କରି କଳା ବ୍ୟାଜ ପିନ୍ଧି କାର୍ଯ୍ୟ ବନ୍ଦ ବିକ୍ଷୋଭ ପ୍ରଦର୍ଶନ କରିଛି ରାଉରକେଲା ଓକିଲ ସଂଘ ।
ଉତ୍ତରପ୍ରଦେଶର ଗଜିଆବାଦଠାରେ କୋର୍ଟ ପରିସରରେ ଚାମ୍ବରରେ ପଶି ଦୁଇ ଦୁର୍ବୃତ୍ତ ଓକିଲ ମନୋଜ ଚୌଧୁରୀଙ୍କୁ ଗୁଳିକରି ହତ୍ୟା କରିଥିଲେ । ଯାହାକୁ ନେଇ ଦେଶରେ ଓକିଲ ଅସୁରକ୍ଷିତ ଥିବା ଅଭିଯୋଗ କରି କଳା ବ୍ୟାଜ ପିନ୍ଧି କାର୍ଯ୍ୟ ବନ୍ଦ କରିଛନ୍ତି ରାଉରକେଲା ଓକିଲ ସଂଘ । ଓକିଲମାନଙ୍କ ସୁରକ୍ଷା ପାଇଁ କେନ୍ଦ୍ର ସରକାର ନୂଆ ଆଇନ ଲାଗୁ କରିବା ପାଇଁ ଦାବି କରିଛନ୍ତି । ଓକିଲଙ୍କୁ ଗୁଳି କରି ହତ୍ୟା ଦୁଃଖଦ ଘଟଣାରେ ଆଇନଜୀବୀ ମହଲରେ ଶୋକର ଛାୟା ଖେଳିଯାଇଛି । ଏହି ଘଟଣା ଦେଶବ୍ୟାପୀ ଓକିଲମାନଙ୍କ ମଧ୍ୟରେ ଏକ ଭୟର ବାତାବରଣ ସୃଷ୍ଟି କରିଛି । ଯାହାଫଳରେ ରାଉରକେଲା ଓକିଲ ସଙ୍ଘ ପକ୍ଷରୁ ଓକିଲ ପ୍ରତି ସଂହତି ପ୍ରକାଶ କରି ଏକ ବିକ୍ଷୋଭ ପ୍ରଦର୍ଶନ କରଯାଇଛି ।
ନ୍ୟାୟ ଦେବାର ନିର୍ଣ୍ଣାୟକ ଭୂମିକା ଗ୍ରହଣ କରୁଥିବା ଆଇନଜୀବୀମାନେ ଅନେକ ସମୟରେ ବିବାଦୀୟ ଓ ସମ୍ବେଦନଶୀଳ ଆଇନଗତ ଲଢ଼େଇରେ ଆଗଧାଡ଼ିରେ ରହିଥାନ୍ତି । କିନ୍ତୁ ଆଜି ସେମାନେ ସମ୍ପୂର୍ଣ୍ଣ ଅସୁରକ୍ଷିତ ମଣିଲେଣି । ଗାଜିଆବାଦ ଘଟଣାର ପ୍ରତିବାଦରେ ରାଉରକେଲା ଓକିଲ ସଙ୍ଘ କଳାବ୍ୟାଜ୍ ପିନ୍ଧି କାର୍ଯ୍ୟ ବନ୍ଦ କରି ମିଳିତ ଆଭିମୁଖ୍ୟ ଗ୍ରହଣ କରିଛନ୍ତି । ଏହା ସେମାନଙ୍କ ସୁରକ୍ଷାକୁ କେନ୍ଦ୍ର ସରକାର ତୁରନ୍ତ ପଦକ୍ଷେପ ନେବାକୁ ରାଉରକେଲା ଓ ଏହା ବାହାରର ଓକିଲମାନେ ଏକାଠି ହୋଇ ଦାବି କରିଛନ୍ତି । ଓକିଲଙ୍କ ସୁରକ୍ଷା ପାଇଁ ନୂଆ ଆଇନ୍ ଦାବି ହୋଇଛି । ଆଇନଜୀବୀ ଦାବି କରୁଛନ୍ତି ଯେ, ସେମାନଙ୍କର ବୃତ୍ତି ଅନ୍ତର୍ନିହିତ ଭାବରେ ସେମାନଙ୍କୁ ବିପଦର ସମ୍ମୁଖୀନ କରାଏ ଏବଂ ସେମାନେ ନ୍ୟାୟର ନୀତିକୁ ବଜାୟ ରଖିଥିବାରୁ ସେମାନଙ୍କର ସୁରକ୍ଷା ସୁନିଶ୍ଚିତ କରିବା ରାଷ୍ଟ୍ରର କର୍ତ୍ତବ୍ୟ । କୋର୍ଟ ପରିସର ଏବଂ ଏହାର ଆଖପାଖରେ ସୁରକ୍ଷା ବ୍ୟବସ୍ଥାର ପୁନଃମୂଲ୍ୟାୟନ ଏବଂ ସୁଦୃଢ଼ କରାଯାଉ ।
ନ୍ୟାୟର ପ୍ରାଧାନ୍ୟକୁ ସୁନିଶ୍ଚିତ କରିବା ପାଇଁ କାର୍ଯ୍ୟ କରୁଥିବା ଆଇନ ପେଶାଦାରମାନଙ୍କୁ ସେମାନଙ୍କର କର୍ତ୍ତବ୍ୟ ସମ୍ପାଦନ କରିବା ସମୟରେ ନିଜ ଜୀବନ ପ୍ରତି ଭୟଭୀତ ହେବା ଉଚିତ ନୁହେଁ । ଓକିଲମାନଙ୍କୁ ସୁରକ୍ଷା ଦେବା ପାଇଁ ନିର୍ଣ୍ଣାୟକ କାର୍ଯ୍ୟାନୁଷ୍ଠାନ ଗ୍ରହଣ କରିବା ଏବଂ କୋର୍ଟରୁମ୍ ଭିତରେ ଓ ବାହାରେ ସେମାନଙ୍କ ସୁରକ୍ଷାକୁ ସୁନିଶ୍ଚିତ କରିବା ପାଇଁ କେନ୍ଦ୍ର ସରକାରଙ୍କ ପାଖରେ ଦାବି କରୁଛନ୍ତି ଓକିଲ ସଂଘ ।
ଇଟିଭି ଭାରତ, ସୁନ୍ଦରଗଡ
